Ruoman 12:9 - Di Jamiekan Nyuu Testiment

⁹ Unu mos lov piipl wid aal a unu aat — unu lov mos riil; iet evriting we wikid an eng aan tait tu eniting wa gud.

Ruoman 12:9 ပူးပေါင်းရင်းမြစ်များ

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

1 Timoti 1:5

Mi tel yu fi du dis so di piipl dem kyan lov dem wan aneda wid di kain-a lov we kom fram wan gud aat, we nuo rait fram rang. Wen dem lov dem wan aneda so, dem a ak laik piipl we riili bilang tu Gad.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Tesaluoniyan 5:21

bot tes evriting. Eng aan pan wa gud,

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

2 Korintiyan 8:8

A no wan ruul mi a gi unu, mi naa se unu afi du it. Wa mi a du a tes unu. Mi a shuo unu di gud we ada piipl du, fi si ef di lov we unu se unu av iina unu aat, ef it riili riil.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Iibruu 1:9

Yu lov wa rait, an yu iet wa no rait. A so kom mi, fi yu Gad, pik yu uova yu fren dem an mek yu wel api.

1 Tesaluoniyan 2:3

di mesij we wi bring kom gi unu neva kom fram no lai. Wi neehn tel unu fi di rang riizn, an wi neehn a chrai fi chrik unu niida.

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Jan 12:6

(Nou, im neehn a se so kaaz im did kieta bout puo piipl; a chuu im a did tiif. A im did a luk aafa di chred bag, an im yuus tu tiif out wa dem put iin de.)

Matyu 26:49

So siem taim im go op tu Jiizas an se, “Oudi Tiicha,” an kis im.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.