Ruoman 12:8 - Di Jamiekan Nyuu Testiment

⁸ Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

Ruoman 12:8 ပူးပေါင်းရင်းမြစ်များ

2 Korintiyan 9:7

Evribadi mos gi wa dem disaid iina dem aat se dem fi gi. Yu no fi gi an den sari se yu gi. Nobadi shuda afi fuos yu fi du it niida kaaz Gad lov piipl we api fi gi.

1 Timoti 5:17

Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Aks 15:32

Juudas an Sailas a did prafit tu so dem taak nof sopm we elp fi mek di piipl we biliiv iina Jiizas get chrang iina wa dem biliiv.

Aks 13:15

Afta sumadi riid fram di Laa buk an fram di Prafit dem, di liida dem fi di Juu dem choch sen wan mesij tu dem se, “Breda, ef unu av wan mesij we kyan elp bil op di piipl dem unu taak op.”

Iibruu 13:24

Sen oudi tu aal a unu liida dem an aal a Gad piipl dem. Di wan dem fram Itali sen oudi tu.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 10:25

Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 20:2

Afta im paas chuu da ieriya de an taak tu di biliiva dem an elp dem tan op chrang iina wa dem biliiv, im riich a Griis,

1 Timoti 4:13

Gwaan tiich an riid Gad wod out loud mek evribadi ier, an gwaan elp di piipl fi andastan dem til mi kom.

1 Tesaluoniyan 2:8

Wi lov unu so moch dat wi neva did onggl waahn unu nuo bout di Gud Nyuuz, bot wi did glad fi du eniting wi kuda du fi elp unu tu — kaaz unu miin so moch tu wi.

1 Tesaluoniyan 2:3

di mesij we wi bring kom gi unu neva kom fram no lai. Wi neehn tel unu fi di rang riizn, an wi neehn a chrai fi chrik unu niida.

Koloshan 3:22

An sliev, unu maasta dem we de ya pan ort, unu fi lisn dem an du aal we dem se unu fi du. An no du dat onggl wen dem a wach unu ar jos kaaz unu waahn fi mek piipl api wid unu. Nuo! Unu fi riili lisn wa dem se an du wa dem se unu fi du ef dem a wach ar ef dem naa wach. Unu fi du dat kaaz unu a du wa rait iina unu aat an unu rispek Gad.

Ifiijan 6:5

Unu si unu we a sliev, unu fi rispek unu maasta an du we dem waahn unu fi du. Unu fi sorv dem wid aal a unu aat, siem laik ou unu wuda du we Krais Jiizas waahn unu fi du.

2 Korintiyan 11:3

Bot mi fried se, jos laik ou di siniek di chrik op Iiv, sumadi a-go chrik unu an kaaz unu fi ton we fram Krais Jiizas an tap fala im wid aal a unu aat.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

2 Korintiyan 9:11

Im wi gi unu evriting we unu niid so dat unu kyan aalwiez gi tu ada piipl. An wen unu shier wa unu av wid ada piipl, unu wi kaaz dem fi gi Gad tangks tu.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

Ruoman 13:6

A dat mek unu a pie taks tu, kaaz di piipl we a ruul uova unu, wen dem du we dem sopuoz fi du, a wok dem a wok fi Gad.

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 4:36

So Juozif, wan man fram Saipros we elp tek kier a Gad ous, an we di apasl dem kaal Baanabas (Baanabas miin Bwai pikni we push piipl fi gwaan chos iina Gad),

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.