Ruoman 12:6 - Di Jamiekan Nyuu Testiment

⁶ Gad gi wi difrant difrant gif — im mek wi kyan du difrant sopm. Ef Gad gi sumadi di powa fi priich im mesij, den dem fi priich bies pan di fiet we dem av.

Ruoman 12:6 ပူးပေါင်းရင်းမြစ်များ

1 Korintiyan 7:7

Mi wish se evribadi wuda stie laik mi — mi no marid. Bot Gad mek evribadi difrant, im mek som piipl tan da wie ya an im mek som piipl tan da wie de.

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

Ruoman 1:11

Kaaz mi lang fi si unu so dat mi kyan shier wid unu som a di sitn dem we Gad Spirit shuo mi. Mi waahn fi shier dem wid unu so dat mi kyan elp unu fi gruo chrang an biliiv iina Gad muor an muor.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

1 Korintiyan 14:1

So muo dan eniting els, unu fi waahn fi lov ada piipl, bot unu fi wel waahn di gif dem we di Uoli Spirit gi tu. An di gif we unu fi waahn di muos a di wan we lou unu fi kyari mesij chriet fram Gad.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

1 Tesaluoniyan 5:20

No se di mesij we piipl kliem se dem get fram Gad a fuulinish,

1 Korintiyan 14:29

Wen unu a kip choch, unu fi mek tuu ar chrii a di piipl dem we kyari mesij fram Gad taak. An di res a piipl iina di choch fi lisn an tingk bout we dem se, an joj fi demself ef wa dem a ier a chuu sopm.

Aks 15:32

Juudas an Sailas a did prafit tu so dem taak nof sopm we elp fi mek di piipl we biliiv iina Jiizas get chrang iina wa dem biliiv.

Aks 2:17

“Gad se, ‘Iina di laas die dem, mi a-go put mi Spirit iina piipl evriwe. Unu bwai pikni dem an unu gyal pikni dem a-go priich mi mesij. Unu yong man dem a-go get vijan fram Gad, an unu uol man dem a-go andastan Gad mesij chuu di jriim dem we dem get fram Gad.

Filipiyan 3:15

So aal a wi we tingk di wie Krais Jiizas waahn wi fi tingk, wi fi gwaan tingk da wie de. Bot ef non a unu no si tingz da wie de, Gad wi shuo unu an mek unu andastan wa mi se.

Ifiijan 3:5

Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Aks 13:1

Nou yu did av som prafit an som tiicha mongks di biliiva dem we did de a Antiyak: man laik Baanabas, Simiyan we dem kaal Naiga, Luushos fram Sairiin, Manoyen (im an Erad di ruula a did gud gud fren fram dem a pikni) an Saal.

Luuk 11:49

Siek-a dis, Gad we waiz iina evri wie se, ‘Mi wi sen prafit an apasl gi dem, bot dem wi kil som, an dem a-go mek som a dem sofa.’

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

1 Korintiyan 14:24

Bot ef sumadi we no biliiv ar sumadi we no nuo Gad kom iina di choch an evribadi iina di choch a kyari mesij fram Gad, wen dem ier wa unu a se dem a-go nuo di chuut an si se dem a sina. Dem wi si se dem a sin an waahn fi chienj dem wiez.

Aks 21:9

Filip did av fuo daata we neva marid, an di fuo a dem a did prafit.

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

1 Korintiyan 12:18

Aal a di paat dem iina di badi, evri wan a dem, Gad put dem de. Im put dem wich paat im waahn dem an im put dem de fi du wa im waahn dem fi du.

2 Piita 1:20

Muo dan notn els, unu fi andastan se di mesij we di prafit dem get fram Gad, we de iina Gad wod, a neehn mek dem mek it op.

Matyu 25:22

“Di wan we did get di tuu bag a guol dem kom tu im tu kom se, ‘Sa, yu did gi mi tuu bag a guol fi tek kier a. Si de, mi mek tuu muo pan tap a we yu did gi mi.’