Ruoman 12:5 - Di Jamiekan Nyuu Testiment

⁵ a siem so, a nof a wi, bot di uol a wi mek op wan badi kaaz wi an Krais Jiizas a wan. Di uol a wi difrant bot wi jain op tugeda an wi bilang tu wi wan aneda.

Ruoman 12:5 ပူးပေါင်းရင်းမြစ်များ

1 Korintiyan 12:20

So iivn duo yu av nof difrant paat iina di badi, aal a dem kom tugeda fi mek wan badi.

1 Korintiyan 10:17

So a onggl wan bred de bout an aal a wi ton wan badi wen di uol a wi iit da bred de.

Ifiijan 4:25

So den, unu fi tap tel lai. Mek aal a wi taak di chuut tu wi wan aneda, kaaz di choch komiin laik wan badi, an aal a wi a paat a it.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.

Ifiijan 5:30

Im du it, kaaz wi a paat a fi im badi.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Ifiijan 1:23

Nou, di choch a Jiizas badi. Jiizas gi di choch laif, an a im gi evriting evriwe laif.

1 Korintiyan 10:33

Unu fi du laik mi. Mi chrai fi du tingz we wi kaaz evribadi fi api. Mi no du tingz fi elp miself wan bot mi du tingz we wi elp evribadi. Mi du dat so dat evribadi kyan get siev.

Ruoman 12:4

Siem laik ou wan badi mek op a nof difrant paat, an di difrant difrant paat dem de de fi du difrant sitn,

Ifiijan 5:23

Dem fi du dis kaaz di ozban a di ed a di waif siem laik ou Krais Jiizas a di ed fi di choch. Im a di wan we siev di choch, an di choch a fi im badi.

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

1 Korintiyan 6:15

Unu no nuo se fi unu badi a paat a Krais Jiizas badi. So den, mi fi tek di piipl dem we mek op im badi an mek dem go sliip wid uman we sel ar badi fi moni — an mek dem ton paat a fi ar badi? Nuo sa!

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang