Ruoman 12:19 - Di Jamiekan Nyuu Testiment

¹⁹ Breda an sista ef sumadi du unu rang, no bada tek it pan unuself fi go mek dem pie fi wa dem did du unu, lef dem tu Gad mek im joj dem. A siem so it rait dong iina Gad wod dat di Laad se, “A fi mi jab fi mek piipl pie fi di rang we dem du, mi wi ponish dem.”

Ruoman 12:19 ပူးပေါင်းရင်းမြစ်များ

Iibruu 10:30

Kaaz wi nuo a uu se, “A mi a di wan we a-go ponish piipl fi di wikidnis we dem du, an mi a-go pie dem bak fi aal a di bad sitn dem we dem du.” An wan neks taim im se, “Di Laad wi joj im piipl dem.”

Ruoman 12:17

Ef sumadi du yu sopm rang, no bada du dem bak notn rang; aalwiez chrai fi du wa evribadi tingk rait.

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

Ruoman 12:14

Di piipl we a kaaz unu fi sofa, unu mos prie an aks Gad fi bles dem; aalwiez aks Gad fi bles piipl, no prie an aks im fi du notn bad tu dem.

Matyu 5:39

Bot ier wa mi a tel unu se, di piipl dem we du aal saat a wikidnis tu unu, lou dem mek dem gwaan. Ef sumadi baks unu kraas unu fies, pan di rait an said, ton di neks said gi dem.

Ruoman 13:4

Kaaz di piipl we iina powa, dem a Gad sorvant an dem de de fi fi unu gud. Bot yu si ef unu a du rang, unu fi fried, kaaz Gad neva gi dem powa fi notn. Di piipl we iina powa a Gad sorvant an im yuuz dem fi joj an ponish di piipl we a du rang.

Ifiijan 4:27

Unu no fi gi di devl no chaans niida. No mek im mek unu sin.

2 Timoti 4:14

Aligzanda, di wan we wok wid metal, du nof wikid sitn tu mi. Gad a-go pie im bak fi aal we im du.