Ruoman 12:11 - Di Jamiekan Nyuu Testiment

¹¹ Unu fi wok aad an no liezi! Unu mos eva waahn fi sorv di Laad wid aal a unu aat.

Ruoman 12:11 ပူးပေါင်းရင်းမြစ်များ

Aks 18:25

Im did lorn bout di Laad Jiizas, an taak op chrang an tiich di sitn dem we rait bout Jiizas. Bot im onggl di nuo bout ou Jan baptaiz piipl, im neva nuo bout ou Jiizas se piipl fi get baptaiz.

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

Aks 20:19

ou mi ombl miself an sorv di Laad. An unu nuo ou mi baal siek-a aal di sofarieshan we mi did afi go chuu siek-a aal wa di Juu dem du tu mi.

Matyu 24:12

an kaa wikidnis a-go pred laik wail faiya, muos piipl aat a-go ton kuol an dem naa bada lov piipl laik wan taim.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

Revilieshan 2:4

Bot mi stil av sitn gens unu: unu no lov unu wan aneda di wie unu yuus tu wen unu did fos biliiv iina mi.

Koloshan 4:1

Az fi unu we uon sliev, unu fi chriit unu sliev rait an unu fi chriit dem fier. Kaaz unu nuo se unu av wan maasta iina evn tu.

1 Korintiyan 7:22

Kaaz ef sumadi a did wan sliev wen dem staat biliiv iina Gad, wi Laad Jiizas Krais frii dem. A siem so ef dem did frii wen Gad kaal dem fi bi paat a im piipl, dem a-go ton wan sliev fi Krais.

Matyu 25:26

“Bot im maasta ansa bak, ‘Yu woklis, gud fi notn, wikid sorvant yu! So yu nuo se mi pik we mi no plaant an gyada we mi neehn skyata no siid?

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.