Ruoman 12:10 - Di Jamiekan Nyuu Testiment

¹⁰ Lov unu wan aneda laik breda an sista an unu fi aalwiez put unu breda an sista bifuo unuself.

Ruoman 12:10 ပူးပေါင်းရင်းမြစ်များ

Matyu 20:26

A no so it fi go mongks unu! Insted-a dat, ef nobadi waahn av tap pozishan mongks unu, dem afi sorv unu,

Luuk 14:10

So wen dem invait yu, tek di luowis plies, da wie de di sumadi we invait yu wi kom se tu yu, ‘Fren, muuv op go tek wan beta plies.’ Den yu wi get big op infronta di ada ges dem.

Jan 15:17

A da sopm ya mi a tel unu fi du: lov unu wan aneda.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Aks 4:32

Aal a di piipl we biliiv iina Jiizas a did wan iina dem aat an main. Nobadi neva se, ‘Notn mi av a fi mi wan.’ Bot dem shier aal wa dem av mongks dem wan aneda.

Ruoman 13:7

Unu mos pie piipl wa unu uo dem: Ef unu av taks fi pie, pie di uol a dem; ef piipl fi get rispek, rispek dem an ef a big dem fi get big op, den big dem op.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

Koloshan 1:4

Wi tangk im kaaz wi ier se unu chos iina Krais Jiizas, an wi ier ou unu lov aal a Gad piipl dem.

1 Tesaluoniyan 4:9

Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

Iibruu 13:1

Unu mos gwaan lov di breda an sista dem we biliiv iina Gad jos laik unu.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 2:17

Rispek evribadi. Unu fi lov di ada piipl dem we biliiv iina Gad tu. Unu fi andastan ou big Gad bi an gi im di muos rispek. An unu fi rispek di king tu.

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”

2 Piita 1:7

An no jos dat, bot unu fi lov an kier bout unu wan aneda tu. An pan tap a aal a dat unu fi lov evribadi fram di batam a unu aat.

1 Jan 4:11

Mi fren, ef Gad lov wi so, den a siem wie wi fi lov wan aneda.

1 Jan 4:20

Ef sumadi se dem lov Gad, an iet dem breda an sista dem, dem a laiyad, kaaz sumadi kyaahn lov Gad we dem kyaahn si, an no lov dem breda an sista we dem kyan si.