Ruoman 12:1 - Di Jamiekan Nyuu Testiment

¹ So den breda an sista, sins Gad gud an kain tu unu nof nof, mi a beg unu du, gi op unu laif tu Gad laik wan sakrifais — wan sakrifais we alaiv, we de de fi sorv Gad an we Gad kyan api wid. Dat a ou unu fi worship Gad.

Ruoman 12:1 ပူးပေါင်းရင်းမြစ်များ

Luuk 7:47

So mi a tel yu, shi get paadn fi ar uol iip a sin dem, kaaz shi lov mi nof nof. Piipl we get paadn fi likl bit a sin, onggl av likl bit a lov fi mi.”

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 15:30

Kaaz aal a wi biliiv iina Jiizas Krais, an siek-a di lov we di Uoli Spirit gi wi, mi a beg unu breda an sista fi prie tu Gad fi mi. Kom prie wid mi an prie aad aad.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

Ruoman 6:13

No lou no paat a unu fi miks op iina sin. No lou sin fi yuuz unu badi fi du aal kain-a wikidnis. Insted-a dat, gi unu laif tu Gad. A laik unu did ded an Gad mek unu kom bak alaiv an a liv nou. So unu mos gi unuself tu Gad. Gi im evri paat a unu so dat im wi yuuz unu fi du wa rait.

Ruoman 6:16

Unu mos nuo se, wen unu tek unuself ton sumadi sliev an se unu a-go fala unu maasta, unu afi du evriting we unu maasta se. Nou unu kyan chuuz fi mek sin unu maasta an ded ar unu kyan mek Gad unu maasta an mek im put tingz rait bitwiin unu an im.

Ruoman 6:19

(Mi a yuuz sopm outa unu laif, dis uol ting bout sliev an maasta, fi elp unu andastan wa mi a se. Mi no tingk unu wi andastan ef mi no du dat.) Wan taim unu did tek unuself ton sliev tu aal kain-a naasinis an wikidnis — unu gi op evri paat a unu badi fi tek paat iina aal kain-a sin. A siem so nou unu fi tek unuself ton Gad sliev — unu mos gi op evri paat a unu fi du wa rait. Da wie de unu wi riili bi Gad piipl.

Ruoman 9:23

Gad tek taim wid dem kaaz im did waahn fi shuo dem ou big, brait an powaful im bi. Im did waahn dem, di piipl we im gud an kain tu, fi si se dem a-go ton laik im. Im did waahn dem, di piipl we im pik an get redi fram lang taim, fi si se im a-go mek dem ton laik im.

1 Korintiyan 1:10

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 4:1

Gad, chuu im gud an kain, gi wi da wok ya fi du, an so wi naa gi op.

2 Korintiyan 4:16

So iivn duo wi a get uol an wi badi bata-bata fram aal we wi a go chuu, wi no gi op. Evridie Gad mek wi spirit chrangga an chrangga an gi wi di chrent fi gwaan du im wok.

2 Korintiyan 5:20

So wi a taak fi Krais Jiizas, an a laik se Gad a yuuz wi fi beg unu fi lisn tu wa wi a se. An sins wi a taak fi Krais Jiizas, wi a beg unu fi mek Gad put tingz rait bitwiin unu an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 5:10

Chrai fain out we di Laad riili waahn unu fi du.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

1 Tesaluoniyan 4:10

An fi riil unu lov unu breda an sista dem we de aal uova Masiduoniya. Bot mi breda an sista, wi a beg unu du dat muo an muo.

1 Tesaluoniyan 5:12

Breda an sista, nou wi a beg unu fi rispek di piipl dem we a wok aad mongks unu, an we a liid an tiich unu.

1 Timoti 2:3

A wan gud sopm dis an a so di Gad we siev wi waahn wi fi prie fi evribadi.

1 Timoti 5:4

Bot ef wan uman we ozban ded av pikni ar granpikni, a dem sopuoz fi tek kier a ar. Dem fi tek kier a ar jos laik ou shi di tek kier a dem. Dem fi tek kier a ar kaaz a dat Gad waahn dem fi du.

Failiiman 1:10

Mi a beg fi mi pikni Oniisimos. Wen mi iina prizn, mi tek im fi mi pikni kaaz a mi elp im fi biliiv iina Jiizas.

Failiiman 1:9

Bot siek-a ou yu lov Gad piipl mi a beg yu insted. Mi, Paal, wan oul man an we nou iina prizn kaaz mi tiich bout Jiizas.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

1 Piita 2:20

So unu get wan biitn an unu bier it kaaz unu du sitn rang. Wa big iina dat? Bot ef unu sofa siek-a sopm gud wa unu du, an unu bier di sofarieshan, nou a dat Gad a-go bles.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.