Ruoman 11:7 - Di Jamiekan Nyuu Testiment

⁷ So den, wa wi kyan jraa fram aal a dat? Di sitn dem we di Izrel piipl did a luk fa aad aad, dem neva fain it, bot di piipl we Gad pik, dem did fain it. Di res a dem, Gad mek dem ton dem aat gens im.

Ruoman 11:7 ပူးပေါင်းရင်းမြစ်များ

Maak 6:52

kaaz iivn duo dem did si di mirikl we Jiizas did du wid di fish an di bred, dem stil neva andastan di powa we im av, kaaz dem ed did tof.

Luuk 13:24

“Chrai unu bes fi go chuu di naro duor. Nof sumadi a-go chrai fi go iin bot naa go get iin.

Jan 12:40

“Gad blain dem an im mek dem aat tof, so dem kyan niida si wid dem yai, ar andastan iina dem main, ar ton tu mi, Gad, an chienj dem wiez so mi go mek dem get beta.”

Ruoman 10:3

Dem neva waahn fi andastan di wie Gad mek tingz rait bitwiin im an piipl, so dem go chrai fain dem uona wie fi mek tingz rait wid Gad; dem neva tek Gad wie fi mek tingz rait bitwiin im an dem.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Ruoman 11:5

A siem so nou, iina dem taim ya, yu av wan sumaal gruup a piipl we Gad pik kaaz im mek op im main fi shuo dem lov iivn wen dem no dizorv it.

Ruoman 3:9

So wa? Unu tingk se wi we a Juu beta aaf dan di piipl dem we a no Juu? Nuo sa! Kaaz mi don shuo unu aredi se evribadi, weda dem a Juu ar dem a no Juu, sin kanchuol dem laif — evribadi a sina.

Ruoman 6:15

Di Laa kyaahn siev wi, so wi no afi fala it. Wi get siev kaaz Gad shuo wi lov iivn duo wi neva dizorv it. So den wa unu tingk dat miin? Unu tingk it miin se wi kyan gwaan liv iina sin? Nuo sa! Notn kyaahn go so!

Ruoman 9:18

So den Gad gud an kain tu uu im waahn fi gud an kain tu an ef im waahn fi mek sumadi ton dem aat gens im, im wi mek dem ton dem aat gens im.

Ruoman 9:23

Gad tek taim wid dem kaaz im did waahn fi shuo dem ou big, brait an powaful im bi. Im did waahn dem, di piipl we im gud an kain tu, fi si se dem a-go ton laik im. Im did waahn dem, di piipl we im pik an get redi fram lang taim, fi si se im a-go mek dem ton laik im.

1 Korintiyan 10:19

Wa unu tingk mi a chrai fi se? Unu tingk se mi a se dat di fuud we dem bon gi sakrifais tu di faalz gad dem wot notn? Ar se di faalz gad dem we dem a gi di sakrifais tu a riil sopm?

2 Korintiyan 3:14

Bot di Izrel piipl dem, dem komiin laik piipl we naa no sens. Kaaz aal tide die, wen dem ier di uol Laa a riid out, a laik sopm a tap dem fram andastan se di taim fi di Laa don. A laik se di piis a klaat stil a kova op di chuut an a tap dem fram si. An dem naa go kyan muuv da piis a klaat de kaaz a onggl Krais Jiizas wan kyan muuv it.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 4:18

Dem kyaahn andastan notn, an dem no av no lat an paat iina di nyuu laif we Gad gi, kaaz dem no nuo bout Gad. An dem no nou notn bout Gad, kaaz dem ton dem main gens im.

Filipiyan 1:18

Bot wa dat tu mi? Di onggl ting we riili mata tu mi a se di Gud Nyuuz bout Krais Jiizas a priich weda dem a du it fi di rait ar fi di rang riizn. An kaaz it a priich, mi api, an mi a-go gwaan mek miself api.

Iibruu 12:17

Yu nuo se likl muo fram dat wen im did waahn get da blesn de nou, dem ton im bak. Im kudn tek bak wa im did du, aal wen im kom a baal.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.