Ruoman 11:36 - Di Jamiekan Nyuu Testiment

³⁶ Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

Ruoman 11:36 ပူးပေါင်းရင်းမြစ်များ

1 Korintiyan 8:6

Bot wi nuo se a onggl wan Gad de bout. Im a di Faada we mek evriting an im a uu wi a liv fa. An wi nuo se a onggl wan Laad de bout an dat a Jiizas Krais, a im mek evriting an a im mek wi kyan liv.

Iibruu 2:10

Evriting a Gad uon, an im yuuz im powa mek evriting an kip dem ou dem fi tan. So a di rait ting im du wen im mek di wan we a-go liid piipl fi get siev, sofa, an da wie de get fi im rait pozishan. Gad du dat so im kuda yuuz im fi mek uol iip a piipl kom fala im an ton Gad pikni dem.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

Ruoman 16:27

Gad a di onggl riil Gad, notn an nobadi no waiz laik im. So siek-a wa Jiizas Krais du fi wi, mek wi priez Gad fi eva an eva. Iemen!

Juud 1:25

Im a di onggl Gad. Im siev wi wen im sen Jiizas Krais wi Laad fi ded fi wi. Big im op an worship im. A im av aal powa an di rait fi ruul iina evri wie an uova evribadi, bifuo taim did staat, rait ya nou, an fi eva an eva. Iemen!

Aks 17:28

Kaaz a im mek wi, gi wi laif, an mek wi kyan muuv bout. An iivn wan a fu'unu uona piipl we rait paim se di siem ting, im se, ‘Aal a wi a Gad pikni tu.’

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

1 Korintiyan 11:12

Memba se wen Gad did a mek uman im yuuz paat a di man fi du it, an nou fi man baan im niid wan uman. So evriting kom fram Gad.

1 Piita 5:11

A Gad fi get aal a di powa, tide, tumaro an fi eva! Iemen.

Filipiyan 4:20

So mek wi big op an priez Faada Gad fi eva an eva! Iemen!

Ifiijan 3:21

Mek evribadi we bilang tu Jiizas, priez Gad fi eva an eva. Iemen!

Gyalieshan 1:5

Mi prie se di uol a wi wi priez Gad fi eva an eva! Iemen!

Revilieshan 19:1

Afta di powaful ienjel don taak, mi ier sopm laik wan big big kroud a piipl iina evn. Dem did a shout an a se: “Aliluuya! Fi wi Gad we siev wi fi get priez kaaz im powaful.

Revilieshan 7:10

An dem baal out iina wan loud loud vais an se: “A fi wi Gad we sidong pan im chuon an di Biebi Shiip siev wi.”

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Luuk 19:38

Dem se, “Gad bles di King we im sen kom! Im sen im wid fi'im powa!” “Mek piis ruul iina evn, an priez tu Gad we liv iina evn.”

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Luuk 2:14

“Priez Gad we de a evn, an piis fi evribadi we Gad api wid.”

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Revilieshan 7:12

an se: “Iemen! Wi Gad, wi gi yu priez an ana an rispek. Yu waiz, an powaful an chrang an wi aalwiez gi yu tangks fi eva an eva. Iemen!”