Ruoman 11:21 - Di Jamiekan Nyuu Testiment

²¹ Kaaz ef Gad did chap aaf di branch dem we did a gruo pan di chrii, im wi chap unu aaf tu.

Ruoman 11:21 ပူးပေါင်းရင်းမြစ်များ

Juud 1:5

Mi nuo se unu nuo dem sitn ya aredi, bot mi stil a memba unu bout wa did apm tu di piipl dem wa di Laad did frii outa Iijip. Som a dem neva biliiv iina Gad, so Gad kil dem aaf iina di dezot.

Ruoman 11:19

Wen unu memba dat unu wi se, “Di branch dem did afi brok aaf, fi mek ruum fi mi.”

Ruoman 8:32

Gad neva tap im uona Bwai Pikni fram sofa. Im gi im op an sen im fi ded fi wi. Nou ef Gad gi op im Bwai Pikni fi wi, unu no tingk im wi muor dan gi wi evriting els?

Ruoman 11:17

Bot ef som a di branch dem brok aaf, an dem tek unu, unu we a wan wail piis a aliv shuut, an bod di aliv chrii so dat unu kyan liv aafa di gud sitn dem we kom fram di ruut,

Ruoman 11:20

Nou dat a di chuut. Dem did get brok aaf kaaz dem neva biliiv bot kaaz unu biliiv unu a go tan wich paat unu de. Bot no mek dat get tu unu ed, insted-a dat unu beta wach unuself!

Ruoman 11:22

Unu fi tek nuot a dis! Gad kain bot im aad tu. Di piipl we sin an tap biliiv iina im, im chriit dem aad, bot im kain tu unu, an im wi gwaan kain tu unu ef unu gwaan chos iina im. Bot ef unu tap chos iina im, im wi kot unu aaf tu.