Ruoman 11:1 - Di Jamiekan Nyuu Testiment

¹ So den mek mi aks unu sopm, unu tingk se a waahn Gad no waahn im piipl no muor? No sa! Notn no go so! Kaaz mi a wan Izrelait tu, mi a wan a Iebriyam fambili an mi kom fram Benjamin chraib.

Ruoman 11:1 ပူးပေါင်းရင်းမြစ်များ

Luuk 20:16

Im a-go kom an kil aaf di tenant dem an tek di faam gi ada piipl.” Wen di piipl dem ier dis, dem se, “Wi uop se dis wi neva apm!”

Aks 22:3

“Mi a wan Juu. Mi baan iina Taasos we de iina Silisiya, bot mi gruo op rait ya-so iina Jeruusilem. Fi mi tiicha a did Gyamieliyel, an im tiich mi fi fala di Laa we Gad gi fi wi faada faada dem, aad aad. An siem laik ou unu siiros bout Gad, a siem so mi did wel siiros tu.

Aks 26:4

“Nou aal di Juu dem nuo ou mi liv fram mi a likl bwai — fram mi a likl bwai a gruo op iina mi uona konchri an iina Jeruusilem.

Ruoman 11:11

So mek mi aks unu dis: wen di Juu dem did faal dong, unu tingk se dem did jrap so faar dat dem kudn kom bak? Nuo sa, notn no go so! Bot kaaz dem did sin, Gad mek it so dat di piipl dem we a no Juu kuda get siev, an im du dat fi mek di Izrel piipl dem jelos.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

Ruoman 9:3

wen mi tingk bout fi mi piipl, di piipl we kom fram fi mi konchri, Izrel. Fi fi dem siek mi wish se a did mi. Mi wish se a did mi Gad joj an se fi ded an we no bilang tu Krais Jiizas no muor. Di piipl we kom fram fi mi konchri,

2 Korintiyan 11:22

Dem a Iibruu? Mi a Iibruu tu. Dem a Izrelait? Mi a Izrelait tu. Dem a Iebriyam fambili? Mi a Iebriyam fambili tu.

Filipiyan 3:5

Mi did get sorkomsaiz iet die afta mi baan. Fi mi mada an faada a baan Izrelait. Mi kom fram Benjamin chraib a piipl dem. Mi a Iibruu iina evri wie. Wen it kom tu di Laa, mi a wan Farisii we du evriting we di Laa se fi du.