Ruoman 10:18 - Di Jamiekan Nyuu Testiment

¹⁸ So mek mi aks unu sopm, di Juu dem, dem neva ier? Dem no mos did ier! It rait iina Gad wod se, “Fi dem vais riich evri paat a di ort, an piipl aal uova di worl ier di wod we dem priich.”

Ruoman 10:18 ပူးပေါင်းရင်းမြစ်များ

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 26:13

Ier mi no, an a chuu mi a taak, enitaim piipl priich da Gud Nyuuz ya roun di worl, dem a-go memba ar an taak bout wa shi du.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Matyu 4:8

Den di devl kyari im go wan taal taal mountn an shuo im aal a di konchri dem iina di worl an shuo im ou dem luk gud an ting.

Maak 16:15

Im tel dem se, “Go aal uova di worl an priich di Gud Nyuuz tu evribadi.

Maak 16:20

Im falara dem go aal bout go priich, an di Laad did a wok wid dem, an di sain dem we im mek dem du shuo evribadi se dem mesij a chuu sitn.]]

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 28:23

So dem set di taim fi miit wid im. Wen dem shuo op a im ous fi di miitn, uol iip muor a dem kom dan di fos taim. Fram maanin til iivnin, Paal taak tu dem an elp dem andastan di mesij bout Gad kindom an Jiizas. An im yuuz di Laa we Muoziz did rait dong, an wa di prafit dem did rait fi get dem fi biliiv se wa im did a tel dem bout Gad kindom a chuu.

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,