Ruoman 10:16 - Di Jamiekan Nyuu Testiment

¹⁶ Bot a no evribadi did biliiv an fala wa di Gud Nyuuz se. Laik Aizaiya did se “Laad, mi priich yu mesij, bot uu biliiv it?”

Ruoman 10:16 ပူးပေါင်းရင်းမြစ်များ

Matyu 13:14

So wa Gad did mek Aizaiya se, dem piipl ya mek it kom chuu. Aizaiya did se: “‘Unu wi lisn gud gud, bot unu wi neva andastan, Unu wi luk aad aad, bot stil unu naa go si'it.

Jan 10:26

Bot unu mek op unu main fi no biliiv kaa unu a no fi mi shiip.

Aks 28:24

Som a dem biliiv wa Paal se, bot som a dem mek op dem main no fi biliiv an ton dem bak pan Gad mesij.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 11:17

Bot ef som a di branch dem brok aaf, an dem tek unu, unu we a wan wail piis a aliv shuut, an bod di aliv chrii so dat unu kyan liv aafa di gud sitn dem we kom fram di ruut,

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 2:8

Bot yu av som ada piipl we onggl bizniz bout demself — dem no du notn fi elp ada piipl. Dem mek op dem main se dem naa du wa rait — dem onggl a-go du we Gad se rang. Dem piipl de Gad a-go shuo dem se im beks wid dem, im a-go ponish dem aad aad.

Ruoman 3:3

Nou som a di Juu dem brok dem pramis an neva fala wa Gad wod se. So wa unu tingk? Unu tingk se kaaz dem de piipl de brok dem pramis, Gad naa go du wa im se im wuda du?

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.

Gyalieshan 5:7

Unu did a ron so aad an a gwaan so gud! A uu kaaz unu fi tap fala an biliiv iina di chuut?

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 11:8

Kaaz Iebriyam chos iina Gad, wen Gad kaal im, im lisn. An so im go a wan plies we im did bout fi get fram Gad, im go de iivn duo im neehn nuo a wich paat im did a go.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.

1 Piita 3:1

A siem so aal a unu waif mos lisn unu ozban an du wa dem se unu fi du. Da wie de ef dem no biliiv iina Gad wod dem wi staat biliiv jos siek-a ou unu a gwaan. Unu wudn iivn afi se a ting tu dem.