Ruoman 10:12 - Di Jamiekan Nyuu Testiment

¹² an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Ruoman 10:12 ပူးပေါင်းရင်းမြစ်များ

Filipiyan 4:19

An kaaz unu an Krais Jiizas kluos, fi mi Gad gweehn gi unu evriting we unu niid. An unu nuo se im wel rich, an we im av kyaahn ron out.

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Revilieshan 19:16

Pan im lang jakit an pan di tap paat a im fut im av wan niem rait dong: KING UOVA AAL A DI KING DEM AN LAAD UOVA AAL A DI LAAD DEM.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Ruoman 14:9

A dat mek Krais Jiizas did ded an den kom bak alaiv; im du dat so dat im wuda bi Laad uova evribadi — Laad fi di piipl we ded an Laad fi di piipl we alaiv.

Ruoman 2:4

Gad tek im taim wid unu, im put op wid unu an im no ponish unu siem taim wen unu du rang. Unu no si se Gad gud tu unu? Ar a kier unu no kier bout dem sitn de? Unu no si se Gad kain tu unu, kaaz im chrai fi get unu fi ton we fram sin an sari fi di rang we unu du?

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

1 Korintiyan 15:47

Di fos man, Gad tek dot mek fi im badi, bot di sekan man, fi im badi kom fram evn.

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

Ifiijan 2:7

Gad du aal a dis ya, so dat iina di worl we a-go kom, im kyan shuo evribadi ou im lov wi iivn duo wi no dizorv it an kain tu aal a wi siek-a wa Krais Jiizas du fi wi.

Ifiijan 2:4

Bot chuu Gad gud an kain kyaahn don an siek-a ou im lov wi nof nof,

Ruoman 15:12

An iina wan neda paat a Gad wod, Aizaiya se: “Sumadi fram Jesi fambili a-go kom, an im a-go ruul uova di piipl we a no Juu, an dem a-go luk fi im gi dem aal we im pramis fi gi dem.”

Aks 9:14

An im get di powa an di rait fram di ed priis fi kom dong ya kom ares enibadi we kaal pan yu niem.”

Ifiijan 3:16

Gad powaful an im gud an kain kyaahn don, so mi prie se im Spirit wi mek unu chrang.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Aks 7:59

Wen dem did a stuon im, Stiivn prie an se, “Laad Jiizas, mi put mi spirit iina yu an.”