Ruoman 1:3 - Di Jamiekan Nyuu Testiment

³ Da Gud Nyuuz ya a bout im Bwai Pikni we kom fram Dievid fambili.

Ruoman 1:3 ပူးပေါင်းရင်းမြစ်များ

Matyu 1:1

Dis a di lis a Krais Jiizas faada faada dem go bak. Jiizas did kom fram Dievid an Iebriyam fambili.

Matyu 1:16

an Jiekob did a Juozif faada, dat a Mieri ozban — Mieri we did av Jiizas — dat a Krais Jiizas.

Matyu 1:6

an Jesi did a king Dievid faada. Dievid did a Salaman faada (a Yuuraiya waif did a fi im mada),

Matyu 12:23

Evribadi we si wa apm jaa jrap a grong di wie dem fraitn. Dem se, “A kuda Dievid pikni dis?”

Matyu 15:22

Outa di bluu wan Kienanait uman we did liv iina da ieriya de kom kom a baal out, “Laad, Dievid pikni, tek piti pan mi du! Mi daata ful op a diiman bad bad sa.”

Matyu 26:63

Bot Jiizas no se notn. Di liida fi di priis dem se tu im se, “Infronta di Gad we liv, mi de kaal pan yu fi taak chuut, yu a di Krais, Gad Pikni?”

Matyu 27:43

Im se im chos iina Gad, den mek Gad siev im ef a dat Gad waahn du, kaa im no se, ‘Mi a Gad pikni!’ ”

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Matyu 9:27

Wen Jiizas did a lef de-so, tuu blain man did staat fala im an did a baal out, “Dievid pikni! Tek piti pan wi!”

Luuk 1:35

Di ienjel ansa ar se, “Di Uoli Spirit a-go kom tu yu an di powa a di Muos Ai a-go toch yu. Im a-go bi Gad uoli pikni.

Luuk 1:69

Im sen wan powaful sumadi fi siev wi. Da powaful sumadi ya kom fram di fambili a Gad sorvant Dievid.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Jan 10:30

Mi an di Faada a wan an di siem.”

Jan 10:36

wa mek unu se, ‘Yu a disrispek Gad’ tu di wan we Gad pik an sen iina di worl? Wa mek unu a se mi disrispek Gad kaa mi se, ‘Mi a Gad Bwai Pikni’?

Jan 20:28

Den Tamas se tu im se, “Yu a mi Laad an mi Gad!”

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Jan 5:25

“Mi a tel unu fi chuu chuu, di die an taim a kom — matarafak, it de ya aredi — wen ded piipl gweehn ier Gad Bwai Pikni vais an di wan dem we ier an du wa im se gweehn liv fi eva.

Jan 7:42

Gad wod no se dat di Krais gweehn kom fram Dievid fambili an fram outa Betliyem, di toun we Dievid did liv?”

Aks 2:30

Im a did wan prafit an im did nuo se Gad did pramis im se im a-go mek wan a im pikni sidong pan im chuon.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Aks 8:36

Dem did stil a gwaan pan di ruod wen dem kech a wan plies we waata de. Di man we inchaaj a di moni se tu Filip, “Luk! Si waata de! Wa fi tap mi fram get baptaiz rait nou?”

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Ruoman 4:1

So aal a wi we a Juu, wa wi kyan se den bout wi faada Iebriyam? A wa did apm wid im?

Ruoman 9:3

wen mi tingk bout fi mi piipl, di piipl we kom fram fi mi konchri, Izrel. Fi fi dem siek mi wish se a did mi. Mi wish se a did mi Gad joj an se fi ded an we no bilang tu Krais Jiizas no muor. Di piipl we kom fram fi mi konchri,

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

1 Korintiyan 10:18

Luk pan di Juu dem: wen dem a bon sakrifais gi Gad, di wan dem we a gi op di sakrifais dem nyam som a di fuud tu. An wen dem nyam it, a no shuo dem a shuo se dem an Gad a wan?

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

2 Timoti 2:8

Memba uu Krais Jiizas bi. Jiizas a di wan we Gad bring bak fram di ded an we kom fram di siem fambili we Dievid kom fram. Dat a di mesij we mi tiich.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.

1 Jan 4:15

Ef nobadi se Jiizas a Gad pikni, Gad liv iina im an im liv iina Gad.

1 Jan 5:1

Enibadi we biliiv se Jiizas a riili di Krais, dem a Gad pikni. An evribadi we lov di Faada lov im pikni tu.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

1 Jan 5:5

So a uu av di powa fi no gi iin tu di wikid sitn dem iina di worl? No onggl di wan dem we biliiv se Jiizas a Gad Bwai Pikni?

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.

Revilieshan 2:18

“Rait da leta ya sen go gi di liida fi di choch we iina Taiyataira. Tel im se: Faada Gad Bwai Pikni, di wan uufa yai dem shain brait laik wan faiya we a bliez, uufa fut dem shain brait laik branz we dem bon iina faiya fi get out aal wa no fi iina it an we dem rob til it shain shain, im se,