Ruoman 1:24 - Di Jamiekan Nyuu Testiment

²⁴ An kaaz piipl so fuul-fuul, Gad lef dem fi du wa dem waahn fi du. Im lef dem fi du aal a di naasinis we dem wel waahn fi du, an fi tek paat iina aal kain-a seks sin we jos a mash op dem badi an we jos a bring dong shiem pan dem wan aneda.

Ruoman 1:24 ပူးပေါင်းရင်းမြစ်များ

Matyu 15:14

Lou dem, mek dem gwaan. Dem a blain piipl we a liid blain piipl. Ef blain a liid blain, di tuu a dem no boun fi jrap iina uol?”

Aks 14:16

Fos taim im yuus tu lef aal a di piipl iina di worl we a no Juu fi du we dem waahn fi du.

Aks 7:42

Bot Gad ton we fram dem an lef dem fi worship di staar dem iina di skai. Dis a di siem ting wa rait dong iina di buk we di prafit dem rait: ‘Unu Izrel piipl a mi unu did kil animal an gi an bon sakrifais tu iina di dezot fi faati ier?

Ruoman 6:12

So unu mosn mek sin ruul uova unu badi no muor. No mek it ruul uova unu, so dat unu wudn du di sitn dem wa unu badi waahn unu fi du.

1 Korintiyan 6:13

Ada piipl wi se tu, “Fuud a fi yu beli an yu beli a fi fuud,” — bot Gad a-go mash op di tuu a dem. Yu badi neva mek fi yu tek it go tek paat iina aal kain-a seks sin. Yu badi a fi di Laad an di Laad a fi yu badi.

1 Korintiyan 6:18

Unu fi ron we fram aal kain-a seks sin. Di res a sin dem we piipl du apm outsaida di badi — it naa du dem badi notn. Bot di piipl we tek paat iina aal kain-a seks sin a mash op dem badi.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

1 Tesaluoniyan 4:4

Evri wan a unu fi nuo ou fi kanchuol unu badi iina wan wie we gud an kliin an we shuo se unu a Gad piipl, an iina wan wie we piipl kyan rispek.