Ruoman 1:20 - Di Jamiekan Nyuu Testiment

²⁰ Nobadi kyan si Gad bot dem kyan nuo bout im. Fram Gad mek di worl, im a shuo piipl a uu im bi. Wen yu luk pan di sitn dem we im mek, yu kyan nuo se a im a riili Gad an dat a im a-go av aal di powa fi eva an eva. So nobadi kyaahn se dem neva nuo bout im.

Ruoman 1:20 ပူးပေါင်းရင်းမြစ်များ

Matyu 5:45

Wen unu du dat, unu wi komiin jos laik unu Faada we de a evn. Yu si ou im mek di son raiz op an shain pan wikid piipl an gud piipl? An a siem so im mek rien faal pan piipl we du wa rait iina im yai an di wan dem we no lisn wa im se.

Maak 10:6

Bot fram Gad mek di worl, im ‘mek man an uman.’

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 15:22

Ef mi neehn kom an taak tu dem, dem wudn gilti a notn rang. Bot rait ya nou, dem na'av notn fi yuuz an se dem no gilti.

Aks 17:29

“So sins wi a Gad pikni, wi no fi tingk se Gad tan laik wan faalz gad we man tingk op an mek outa guol, ar silva, ar kot outa stuon.

Aks 22:1

“Aal a unu we uolda dan mi an aal a unu we a di siem iej laik mi, lisn tu wa mi av fi se tu unu.”

Ruoman 1:19

Gad a-go ponish dem kaaz evriting we de de fi nuo bout Gad infronta dem plien plien, kaaz a Gad imself shuo dem.

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 2:1

Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Ruoman 2:15

Wa dem du shuo se di sitn dem we di Laa tiich rait dong iina dem aat. An di sitn dem we dem tingk, shuo se a chuu tu. Kaaz dem uona kanchens wi tel dem ef wa dem a du rait ar ef it rang.

1 Korintiyan 1:20

So den, wa unu tingk a-go apm tu di piipl dem we tingk se dem waiz? Wa unu tingk dat miin fi di Laa tiicha dem? Wa unu tingk dat a se bout di piipl dem we lov aagyu bout evriting? Gad no don shuo se aal a di sitn dem we dem piipl de tingk se dem nuo a fuulinish?

Koloshan 1:15

Jiizas a siem laik im Faada. Unu kyaahn si Gad, bot unu kyan luk pan Jiizas an si ou Gad tan. Bifuo Gad mek notn, Jiizas did de de. Im aiya dan evriting we Gad mek.

Koloshan 2:9

Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

1 Timoti 1:17

So rispek an priez tu di King we a-go bi king fi eva, di onggl Gad, di wan we kyan neva ded an we wi kyaahn si wid wi yai dem, priez tu im fi eva an eva, Iemen!

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!

Iibruu 11:27

Siek-a ou im chos iina Gad, im lef Iijip an neehn fried se di king mait-a beks. An im neehn ton bak. Im uol aan pan di Gad we nobadi kyaahn si, laik se im kuda si im.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!