Ruoman 1:2 - Di Jamiekan Nyuu Testiment

² Lang bifuo Jiizas baan, Gad did pramis fi sen da Gud Nyuuz de tu wi. Im mek im prafit dem rait it dong iina Gad wod se im a-go sen it.

Ruoman 1:2 ပူးပေါင်းရင်းမြစ်များ

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

Luuk 1:70

Jos laik ou im did taak chuu im uoli prafit dem wie bak wen an se:

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 3:21

Bot nou Gad shuo wi ou im plan fi mek tingz rait bitwiin im an piipl. Da plan de no av notn fi du wid di Laa, (iivn duo di Laa an di prafit dem did taak bout da plan de). It no av notn fi du wid di Laa, so no chuu yu a fala di Laa dat miin se Gad a-go mek tingz rait bitwiin yu an im.

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 26:6

Nou dem a joj mi kaaz mi biliiv an a luk fi get di sitn dem we Gad pramis fi gi wi faada faada dem.

Matyu 1:22

Nou aal a dem sitn ya apm fi mek wa di Laad did tel di prafit fi se kom chuu.

Aks 13:32

“Gad did mek wan pramis tu wi faada faada dem. An wi de ya fi tel unu di gud nyuuz bout di pramis.