Ruoman 1:19 - Di Jamiekan Nyuu Testiment

¹⁹ Gad a-go ponish dem kaaz evriting we de de fi nuo bout Gad infronta dem plien plien, kaaz a Gad imself shuo dem.

Ruoman 1:19 ပူးပေါင်းရင်းမြစ်များ

Jan 1:9

Da lait de a di riil lait an im kom iina di worl an mek evribadi nuo im.

Ruoman 1:20

Nobadi kyan si Gad bot dem kyan nuo bout im. Fram Gad mek di worl, im a shuo piipl a uu im bi. Wen yu luk pan di sitn dem we im mek, yu kyan nuo se a im a riili Gad an dat a im a-go av aal di powa fi eva an eva. So nobadi kyaahn se dem neva nuo bout im.

Ruoman 2:14

Di piipl we a no Juu, dem neva get Gad Laa, so dem no nuo wa di Laa se. So wen dem du di sitn dem we di Laa se piipl fi du, dat shuo se dem nuo wa rait fram wa rang.