Ruoman 1:14 - Di Jamiekan Nyuu Testiment

¹⁴ It komiin laik se mi a evribadi sorvant. Gad sen mi fi priich di Gud Nyuuz tu di Griik piipl dem an tu di piipl dem we a no Griik. Im sen mi fi priich tu piipl we waiz an nuo nof, an tu piipl we no nuo notn.

Ruoman 1:14 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

Aks 28:2

Di piipl dem shuo wi gud fies an chriit wi wel gud. An kaaz rien did staat faal an it did kuol, dem kech op faiya fi wi.

Aks 28:4

Wen di piipl si se di siniek eng an pan Paal an, dem se tu wan aneda se, “Da man ya a mos wan mordara! Iivn duo im get we fram di sii, di gad we niem Jostis se im no fi liv.”

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 1:22

Dem kliem se dem waiz bot a fuul dem ton fuul.

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Ruoman 12:16

Liv gud wid unu wan aneda. No get ful-a unuself an fiil laik se unu kyaahn du sortn wok ar taak tu sortn an sortn piipl. Insted-a dat ombl unuself.

Ruoman 13:8

No uo nobadi notn — pie piipl wa unu uo dem. Di onggl ting unu fi uo piipl a lov kaaz enibadi we lov dem nieba laik ou dem lov demself, dem a du evriting we di Laa se.

Ruoman 16:19

Evribadi ier bout ou unu biliiv an a fala di Gud Nyuuz bout Krais Jiizas wid aal a unu aat an unu mek fi mi aat wel api wid aal we unu a du. Bot mi waahn unu fi waiz — mi waahn unu fi aalwiez nuo wa rait fi unu du an no av notn fi du wid no kain-a wikidnis.

Ruoman 8:12

So den breda an sista, wi afi liv ou Gad Spirit waahn wi fi liv. Wi no fi fala wi badi, an liv ou it waahn wi fi liv.

1 Korintiyan 14:11

Ef sumadi a taak wan langwij we mi no andastan mi a-go tingk se dem kom fram wan neda konchri. An dem a-go tingk se mi kom fram wan difrant konchri tu.

1 Korintiyan 14:16

Kaaz ef yu spirit a prie an sumadi we no taak iina tongz a lisn, ou dem fi se ‘Iemen’ wen dem no nuo we yu a se?

1 Korintiyan 2:13

Dat a wa wi eva a priich tel unu. An wen wi a priich wi no yuuz no wod we di piipl we waiz se wi fi yuuz. Nuo, wen wi priich wi se di sitn dem we di Spirit tel wi fi se, so dat wi kyan mek unu we av di Spirit andastan aal a wa di Spirit shuo wi.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

2 Korintiyan 10:12

Mi wudn mad fi chrai mach op miself wid di wan dem we eva a sing dem uona priez. Dem mek op dem main fi demself wa rait an den joj demself bies pan wa dem fiil rait. Wen dem du dat it shuo se dem no andastan notn.

2 Korintiyan 11:19

Unu so waiz, unu eva redi fi tek iin an lisn tu di fuul dem.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.