Ruoman 1:1 - Di Jamiekan Nyuu Testiment

¹ Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 1:1 ပူးပေါင်းရင်းမြစ်များ

Maak 1:14

Nou afta dem lak op Jan iina prizn, Jiizas go a Gyalalii go priich Gad gud nyuuz.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 15:15

Mi naa kaal unu sorvant no muo, kaa sorvant no nuo dem maasta bizniz. Mi a kaal unu mi fren, kaa mi mek unu nuo bout evriting mi Faada tiich mi.

Jan 15:20

Memba we mi did tel unu se, ‘No sorvant no biga dan im maasta.’ Ef dem mek mi sofa den dem mos a-go mek unu sofa tu. Ef dem du wa mi tiich dem fi du, dem a-go du wa unu tiich dem fi du tu.

Aks 13:9

Bot di Uoli Spirit tek kanchuol a Saal (we dem kaal Paal), an im luk chriet pan Elimas

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 21:40

Wen di ed fi touzn suoja lou im fi taak tu di piipl dem, Paal tan op pan di step an riez im an fi kwaiyat dong di piipl dem. Wen dem get kwaiyat im taak tu dem iina fi dem Juu langwij.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

Aks 22:7

Den mi jrap a grong an ier wan vais se tu mi se, ‘Saal, Saal, wa mek yu a mek mi sofa?’

Aks 26:1

Den Agripa se tu Paal se, “Yu kyan taak fi yuself nou.” So Paal riez im an an staat taak op. Im se,

Aks 26:14

Aal a wi jrap a grong, an mi ier sumadi se tu mi iina di Aramik langwij se, ‘Saal, Saal, wa mek yu a mek mi sofa? A ort yu a ort yuself wen yu du dat. Dat komiin laik se yu a kik gens wan shaap shaap tik.’

Aks 27:23

Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 1:16

Mi no shiem fi priich di Gud Nyuuz kaaz it powaful. A di Gud Nyuuz Gad yuuz fi siev aal a di piipl we chos iina Jiizas. Im yuuz it fi siev di Juu dem fos an den im yuuz it fi siev di piipl dem we a no Juu.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Ruoman 11:13

Aal di piipl we a no Juu, mi a taak tu unu nou: mi a di apasl we Gad sen fi priich tu di piipl we a no Juu, an mi tingk da wok de wel impuotant, so mi tek it siiros.

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 15:29

an mi nuo se wen mi kom de, Krais Jiizas a-go bles unu nof nof.

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

1 Korintiyan 1:1

Da leta ya a kom fram Paal, di wan we Gad pik fi bi wan a Jiizas Krais apasl, an it a kom fram wi breda Sostoniiz tu.

1 Korintiyan 9:1

Mi no frii? Mi a no wan a di apasl dem? Mi neva si wi Laad Jiizas Krais? Unu a no Gad piipl siek-a di wok we Gad sen mi fi du?

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 11:5

Mi no tingk se fi unu “big apasl” dem beta dan mi.

2 Korintiyan 11:7

Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

2 Korintiyan 12:11

Mi did a gwaan laik se mi a fuul! A unu fuos mi fi du it. Unu a di wan dem we shuda a taak gud bout mi kaaz dem “big apasl” de no av notn we mi no av. Iivn duo mi a no nobadi, dem no muor dan mi.

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Koloshan 1:1

Da leta ya a fram mi, Paal. Mi a wan a Jiizas Krais Apasl dem kaaz a dat Gad did waahn. An di leta a fram breda Timoti tu.

Koloshan 1:25

Mi de bout fi sorv di choch, kaaz Gad pik mi fi du it. Im pik mi fi elp unu an fi mek unu kyan nuo evri piis a im mesij.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

1 Tesaluoniyan 2:8

Wi lov unu so moch dat wi neva did onggl waahn unu nuo bout di Gud Nyuuz, bot wi did glad fi du eniting wi kuda du fi elp unu tu — kaaz unu miin so moch tu wi.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Timoti 1:1

Timoti, dis a Paal, Jiizas Krais apasl. A di Gad we siev wi an Jiizas Krais di wan we mek wi kyan luk fi get aal kain-a gud sitn, aada mi fi bi wan apasl.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 1:11

A da siem Gud Nyuuz de Gad se mi fi tiich. Im mek mi wan a Jiizas apasl dem so mi kuda tel di piipl dem di Gud Nyuuz.

Taitos 1:1

Taitos, dis a Paal, wan sliev fi Gad an wan a Jiizas apasl. Gad sen mi fi tiich im piipl dem ou fi biliiv iina im muor an fi elp dem andastan Gad wod beta. Im waahn mi fi tiich dem di chuut so dat dem wi liv ou im waahn dem fi liv.

Iibruu 5:4

Fi ton di liida fi di priis dem a wan big ting dat, an nobadi kyaahn jos kom kom se dem waahn ton wan, an go ton wan. A no so it go. Gad afi kaal im fi ton di liida fi di priis dem, jos laik ou im did kaal Ieran.

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

Jiemz 1:1

Da leta ya a kom fram Jiemz wan sliev fi Gad an di Laad Jiizas Krais. Mi a rait da leta ya tu di twelv chraib a Gad piipl dem wa skyata skyata aal uova di worl. Oudi tu aal a unu.

1 Piita 4:17

Kaaz jojment taim kom ya nou; an wi we a Gad piipl, a wi it a staat wid fos. So, a wa a-go apm tu aal a di piipl dem we no biliiv Gad Gud Nyuuz?

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Revilieshan 22:6

Di ienjel tel mi se, “Aal a dem sitn ya we mi a tel yu chuu an evribadi kyan biliiv dem. Di Laad, di Gad we gi'im Spirit tu im prafit dem fi priich im wod, sen im ienjel kom shuo im sorvant di sitn dem we suun apm.”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!