Revilieshan 9:20 - Di Jamiekan Nyuu Testiment

²⁰ Di res a di piipl dem we neva get kil fram di faiya, di sumuok, ar di solfa, stil neva ton we fram dem wikidnis. Dem neva tap worship diiman, an faalz gad we mek outa guol, silva, branz, stuon, an wud — faalz gad we kyaahn si ar ier ar waak.

Revilieshan 9:20 ပူးပေါင်းရင်းမြစ်များ

Revilieshan 9:21

An dem neva tap kil an wok uobiya, an tek paat iina aal saat a seks sin, an dem neva tap tiif niida.

1 Timoti 4:1

Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

Aks 7:41

A da taim de dem did mek di faalz gad we luk laik wan bulkou. Dem bon sakrifais gi it, an dem did wel api wid di sitn wa dem mek wid dem uona an.

2 Korintiyan 12:21

Mi fried se wen mi kom de, Gad we mi sorv, a-go mek mi fiil shiem agen an mi a-go baal fi di wan dem we a sin, an we naa chienj dem wiez an beg Gad fi paadn dem. Dem naa beg Gad fi paadn dem fi di doti laif we dem a liv an fi ou wail dem a gwaan. Dem naa beg Gad fi paadn dem fi aal a di seks sin dem we dem a du.

Aks 17:29

“So sins wi a Gad pikni, wi no fi tingk se Gad tan laik wan faalz gad we man tingk op an mek outa guol, ar silva, ar kot outa stuon.

Matyu 21:32

Kaaz Jan kom shuo unu di rait wie, an unu neehn biliiv im. Bot di taks kalekta dem an seks woka did biliiv. Unu si dis apm, bot unu stil neehn chienj unu main an biliiv im.

Revilieshan 16:8

Den ienjel nomba fuo pich out wa iina fi im boul pan di son, an Gad lou di iit fram di son fi skaach op di piipl dem laik faiya.

Revilieshan 9:19

An di aas dem powa did iina dem mout an iina dem tiel. An dem tiel komiin laik siniek wid ed we dem yuuz fi bait piipl.

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.