Revilieshan 9:17 - Di Jamiekan Nyuu Testiment

¹⁷ Di aas an di raida dem we mi si iina mi vijan, a so dem luk: dem av aan sitn laik aiyan jakit we suoja wier fi protek demself. Dem kola red laik faiya, an daak bluu, an yelo laik solfa. Dem ed luk laik laiyan ed, an faiya, sumuok, an solfa did a kom outa dem mout.

Revilieshan 9:17 ပူးပေါင်းရင်းမြစ်များ

Revilieshan 9:18

Di faiya, sumuok, an solfa we kom outa di aas dem mout kil aaf wan outa evri chrii sumadi pan di ort.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.

Revilieshan 19:20

Bot di wail animal an di faalz prafit we did du di mirikl dem fi di wail animal get kyapcha. Di faalz prafit did yuuz di mirikl dem fi fuul op di piipl dem we did tek di maak a di wail animal an we worship di sitn we luk laik im. Di tuu a dem get fling dong iina di liek a faiya we a bon wid solfa.

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 11:5

Ef nobadi chrai fi du dem notn bad, faiya a-go kom outa dem mout an bon op dem enimi. A so enibadi we chrai fi chobl di tuu witnis dem a-go ded.

Revilieshan 9:9

Di graasapa dem did av aan sitn we luk laik di aiyan jakit we suoja wier fi protek demself. An dem wing soun laik di naiz fram wan uol iip a aas an kyaat wid suoja a gyalop go a waar.

Revilieshan 21:20

nomba faiv a did wan saadaniks stuon we av red an som ada kola, stuon nomba siks a did wan red an griin stuon niem kaanieliyan, nomba sevn a did wan yelo guol stuon niem krisolait, nomba iet a did wan stuon niem beril wid bluu an griin an nof ada kola, stuon nomba nain a did tuopaz — it yelo, stuon nomba ten a did krisopries we luk laik griin apl, nomba ilevn a did jasint we miks wid red, arinj, bluu an griin, an stuon nomba twelv a wan porpl stuon niem amatis.