Revilieshan 9:1 - Di Jamiekan Nyuu Testiment

¹ Wen di fif ienjel bluo im chompit, mi si wan staar we did jrap pan di ort. Sumadi gi di staar di kii fi di tonel we liid tu di diip diip pit we no av no batam.

Revilieshan 9:1 ပူးပေါင်းရင်းမြစ်များ

Luuk 10:18

Jiizas tel dem se, “Mi did si Sietan jrap outa evn laik ou laitnin flash iina di skai.

Luuk 8:31

Di diiman dem did a beg Jiizas no fi tel dem fi go dong a di diiman prizn — di pit we naa no batam.

Ruoman 10:7

“No aks niida, ‘A uu a-go go dong wich paat di ded piipl dem spirit de?’” (An wen unu a aks dat, wa unu riili a aks a uu a-go go dong de go tek Krais Jiizas fram mongks di ded piipl an bring im bak op ya.)

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 1:20

Di sevn staar dem we yu si iina mi rait an, an di sevn guol sitn dem fi uol kyanggl, dis a wa dem miin: di sevn staar dem a di liida dem fi di sevn choch dem, an di sevn sitn fi uol kyanggl a di sevn choch dem.”

Revilieshan 11:7

Wen dem don se aal wa Gad waahn dem fi se, di wail wail animal we kom op outa di diip diip pit we no av no batam gweehn atak dem, an biit dem an kil dem.

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 20:1

An mi did si wan ienjel kom dong outa evn, im av di kii fi di pit we no av no batam an im av wan big big chien iina im an.

Revilieshan 20:10

An di devl, we fuul dem op, get fling dong iina di siem liek a faiya we a bon wid solfa we di wail animal an di faalz prafit did get fling iina. Aal a dem a sofa wikid wikid die an nait fi eva an eva.

Revilieshan 6:13

an di staar dem we iina di skai jrap a grong laik wen griin fruut jrap aafa chrii wen chrang briiz a bluo.

Revilieshan 8:10

Wen di tord ienjel bluo fi im chompit, wan big staar we did a bon laik faiya jrap fram di skai. An ef yu plit op di riva waata dem an di spring waata dem iina chrii paat, di staar did jrap pan wan paat a dem.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.

Revilieshan 8:2

Wen mi luk mi si sevn ienjel we tan op infronta Gad an sumadi did gi dem sevn chompit.

Revilieshan 9:2

Wen im uopm di tonel we liid go dong a di pit, sumuok kom op fram di pit laik sumuok we kom fram wan big faiya-said. Di sumuok we kom outa di tonel did so blak an tik dat it blak out di son lait an daak op di skai.