Revilieshan 8:9 - Di Jamiekan Nyuu Testiment

⁹ An wan outa evri chrii sitn we did liv iina di sii ded aaf, an wan outa evri chrii ship we did de pan di sii get mash op.

Revilieshan 8:9 ပူးပေါင်းရင်းမြစ်များ

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 16:3

Di sekan ienjel pich out wa iina fi im boul pan di sii, an it ton iina sitn we luk laik ded man blod, an evriting we liv iina di sii ded aaf.

Revilieshan 8:10

Wen di tord ienjel bluo fi im chompit, wan big staar we did a bon laik faiya jrap fram di skai. An ef yu plit op di riva waata dem an di spring waata dem iina chrii paat, di staar did jrap pan wan paat a dem.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.

Revilieshan 8:7

Di fos ienjel bluo im chompit, an iel an faiya miks op wid blod get fling dong fram di skai pan di ort an wan outa di chrii paat a di ort get bon op. Wan outa evri chrii a di chrii dem we did a gruo an aal a di griin graas get bon op tu.

Revilieshan 9:15

So di ienjel luus di fuo ienjel dem we did de de redi fi da siem owa, da siem die, da siem mont an da siem ier ya. Fi dem jab a fi kil wan outa evri chrii sumadi we pan di ort.

Revilieshan 9:18

Di faiya, sumuok, an solfa we kom outa di aas dem mout kil aaf wan outa evri chrii sumadi pan di ort.