Revilieshan 8:3 - Di Jamiekan Nyuu Testiment

³ Den mi si wan neda ienjel wid wan guol pan iina im an we av wan anggl. Im kom tan op infronta di alta an sumadi gi im wan uol iip a swiit spais fi bon mek sakrifais. Im did fi put it wid Gad piipl dem prieya an bon it pan di guol alta we de infronta di chuon.

Revilieshan 8:3 ပူးပေါင်းရင်းမြစ်များ

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Revilieshan 8:4

Di sumuok fram di spais we dem bon, miks op wid Gad piipl dem prieya, go op tu Gad fram di ienjel an.

Luuk 1:10

Wen a did taim an Zakaraiya go iina Gad ous, di piipl dem we did gyada outa duor did a prie.

Revilieshan 9:13

Wen ienjel nomba siks bluo fi im chompit, mi ier wan vais a kom fram di aan we de pan di guol alta we de infronta Gad.

Iibruu 9:4

Iin de-so yu av di alta we mek outa guol. De-so dem bon wan spais we sumel swiit. Yu did av di baks tu, we tan fi di pramis we Gad mek, dat did kova aal uova iina guol. Da baks de av iin di jog we did uol mana, we Gad did gi dem fi nyam. Ieran waakn tik we liif did gruo pan did iin de tu. An di tuu stuon dem we Gad ruul did rait op pan did iin de wid di res a sitn dem.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Revilieshan 7:2

Den mi si wan neda ienjel kom fram di iis. Iina im an, im did av wan stamp we did bilang tu Gad we liv fi eva an eva. Im kaal out iina wan loud vais tu di fuo ienjel dem we get powa fi mash op di lan an di sii:

Revilieshan 6:9

Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.

Revilieshan 10:1

Den mi si wan neda powaful ienjel a kom dong fram evn. An im did av wan kloud rap roun im laik kluoz, an wan rienbuo uova im ed. An im fies shain brait laik di son. An im fut dem komiin laik som kalom we mek outa faiya.

Revilieshan 8:5

Den di ienjel tek di guol pan we uol di swiit spais we dem bon, ful it op wid faiya fram di alta, an fling it pan di ort. An som torbl tonda ruol, an laitnin flash, an di ort shiek op.

Revilieshan 14:18

An wan neks ienjel we inchaaj a faiya kom fram di alta an kaal out loud loud tu di wan we av di shaap kotlis. Im se, “Tek yu shaap kotlis an gyada di bonch a griep fram di griep vain dem pan di ort, kaaz di griep dem raip nou.”