Revilieshan 8:2 - Di Jamiekan Nyuu Testiment

² Wen mi luk mi si sevn ienjel we tan op infronta Gad an sumadi did gi dem sevn chompit.

Revilieshan 8:2 ပူးပေါင်းရင်းမြစ်များ

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Luuk 1:19

Di ienjel tel im se, “Mi a Giebrel. Mi tan op bifuo Gad an im sen mi fi taak tu yu an fi tel yu di gud nyuuz.

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

1 Korintiyan 15:52

An wi a-go chienj faas tu, bifuo yu kyan kwint yu yai it apm. Wen dem bluo di laas aan, Gad wi mek di ded piipl dem kom bak alaiv an di badi we im a-go gi dem naa go kyan ded agen. An im a-go chienj di uol a wi.

1 Tesaluoniyan 4:16

Kaaz di Laad imself a-go kom dong fram outa evn, an piipl a-go ier im baal out loud. Dem a-go ier di ed ienjel kaal out an Gad chompit a-go bluo. An di piipl dem we ded we did biliiv iina Krais Jiizas, dem a-go kom bak alaiv fos.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 15:1

Mi si wan neda big an impuotant sain iina evn: di sevn ienjel dem we av di laas sevn torbl sitn dem we kaaz wikid sofarieshan — afta aal dem sitn ya don, Gad naa go beks no muo kaaz im don joj di piipl dem.

Revilieshan 16:1

Den mi ier wan loud vais fram Gad ous se tu di sevn ienjel dem, “Unu go pich out wa iina unu boul pan di ort fi shuo se Gad wel beks.”

Revilieshan 8:13

Wail mi did a wach, mi ier wan iigl we did a flai ai iina di skai a kaal out iina wan loud vais se: “Chobl fu'unu! Chobl fu'unu! Chobl fi evribadi we liv pan di ort, siek-a wa gweehn apm wen di neks chrii ienjel dem bluo fi dem chompit, an dem a get redi fi bluo dem!”

Revilieshan 8:6

Afta dat, di sevn ienjel dem we av di sevn chompit dem get redi fi bluo dem.

Revilieshan 9:1

Wen di fif ienjel bluo im chompit, mi si wan staar we did jrap pan di ort. Sumadi gi di staar di kii fi di tonel we liid tu di diip diip pit we no av no batam.