Revilieshan 8:12 - Di Jamiekan Nyuu Testiment

¹² Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.

Revilieshan 8:12 ပူးပေါင်းရင်းမြစ်များ

Matyu 24:29

“Bot iina dem taim de, likl afta di sofarieshan don, “Di son a-go daak op, di muun naa go shain an di staar dem a-go jrap outa di skai. Evriting we iina di skai a-go get shiek outa dem plies.

Matyu 27:45

Nou fram migl die di uol plies get daak til chrii aklak.

Maak 13:24

“Bot iina dem die de, rait afta di torbl sofarieshan, “ ‘Di son a-go daak op, an di muun a-go tap shain;

Maak 15:33

Wen it riich migl die, di uol plies get daak til bout chrii aklak di iivnin.

Luuk 21:25

“Sain a-go de iina di son, di muun an di staar dem. Pan di ort, di piipl dem we a no Juu a-go twis an ton an no nuo wa fi du wen dem ier di sii a ruor.

Aks 2:20

Di son a-go ton blak laik nait an di muun a-go ton red laik blod bifuo di big an impuotant die kom fi di Laad du som powaful sitn.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Revilieshan 12:4

Im yuuz im tiel an jrag dong wan outa evri chrii staar we iina di skai an fling dem dong a ort. Di jragan tan op infronta di uman we did bout fi av ar biebi, so dat im kuda nyam aaf ar pikni az im baan.

Revilieshan 16:10

Den ienjel nomba faiv pich out wa iina fi im boul pan di wail animal chuon, an kaaz daaknis fi kom dong pan di uol a im kindom. Di torbl pien we piipl sofa, mek dem chaa op chaa op dem tong.

Revilieshan 6:12

Den mi si wen di Biebi Shiip brok di siks chring an wan torbl ortkwiek apm. Di son tap shain an di uol plies ton blak blak laik wen nait wel daak, an di muun ton red laik blod,

Revilieshan 9:15

So di ienjel luus di fuo ienjel dem we did de de redi fi da siem owa, da siem die, da siem mont an da siem ier ya. Fi dem jab a fi kil wan outa evri chrii sumadi we pan di ort.

Revilieshan 9:18

Di faiya, sumuok, an solfa we kom outa di aas dem mout kil aaf wan outa evri chrii sumadi pan di ort.