Revilieshan 7:13 - Di Jamiekan Nyuu Testiment

¹³ Den wan a di elda dem aks mi, “Dem piipl ya we av aan lang wait jakit — a uu dem bi, an we dem kom fram?”

Revilieshan 7:13 ပူးပေါင်းရင်းမြစ်များ

Jan 7:28

Da taim de, Jiizas did stil a tiich iina di yaad we Gad ous de. Im ier we di piipl dem did a se, so im baal out loud loud pan tap a im vais an se, “Unu nuo mi an unu nuo we paat mi kom fram! Mi no sen miself kom ya, bot unu kyan chos di wan we sen mi kom. Unu no nuo im,

Aks 3:12

Wen Piita si dem, im se tu dem se, “Aal a unu Izrel piipl, wa unu shak so fa? Wa unu tan op a luk pan wi so fa? Unu tingk a chuu wi powaful ar chuu wi gud iina Gad yai mek wi mek da man ya waak?

Revilieshan 3:4

Bot unu av som piipl mongks unu iina Saadis we kip dem kluoz kliin — dem naa liv iina sin. An dem piipl de a-go jres op iina wait kluoz an waak wid mi kaaz dem liv ou Gad waahn dem fi liv.

Revilieshan 4:10

di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 5:11

Den mi luk an ier di vais a wan uol iip a ienjel. An ef yu fi ad dem op bout touzn an touzn an touzn — yu kyaahn kount dem. Dem gyada roun di chuon an roun di sitn dem an di elda dem.

Revilieshan 5:5

Den wan a di elda dem se tu mi se, “No bada baal! Luk, di wan we dem kaal di Laiyan we kom fram Juuda Chraib, di powaful wan we kom fram Dievid fambili, im biit di enimi an im no gi iin tu di sitn dem we di enimi waahn im fi du. Im av di powa fi uopm di ruol op buk an fi luus di sevn chring dem we tai it op.”

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.