Revilieshan 7:10 - Di Jamiekan Nyuu Testiment

¹⁰ An dem baal out iina wan loud loud vais an se: “A fi wi Gad we sidong pan im chuon an di Biebi Shiip siev wi.”

Revilieshan 7:10 ပူးပေါင်းရင်းမြစ်များ

Revilieshan 19:1

Afta di powaful ienjel don taak, mi ier sopm laik wan big big kroud a piipl iina evn. Dem did a shout an a se: “Aliluuya! Fi wi Gad we siev wi fi get priez kaaz im powaful.

Revilieshan 12:10

Den mi ier sumadi iina evn a baal out loud loud se: “Di taim kom nou wen fi wi Gad a-go siev im piipl dem. Nou im a-go tek im powa an ruul kaaz a im a king. Nou Krais Jiizas a-go ruul uova di worl. Kaaz di devl we yuuz tu tan op infronta Gad die an nait an tel lai pan wi breda an sista dem get kik outa evn.

Revilieshan 22:3

Notn ar nobadi we Gad no tek iin kyaahn go iina di siti. Gad an di Biebi Shiip chuon a-go iina di siti an Gad piipl a-go worship im.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Luuk 3:6

An evribadi a-go si ou Gad siev piipl.’ ”

Revilieshan 5:7

Di Biebi Shiip kom an tek di ruol op buk outa di rait an a di wan we did a sidong pan di chuon.

Revilieshan 4:6

Infronta di chuon mi si wan sii we luk laik glaas, we klier laik kristal. Iina di migl an roun di chuon, mi si fuo sopm. Dem av yai a front an yai a bak.

Jan 4:22

Unu Samaritan piipl worship wa unu no nuo bout. Wi worship wa wi nuo bout, kaa a di Juu piipl dem Gad a-go yuuz fi siev di piipl dem iina di worl.

Jan 1:36

Nou, Jiizas did a waak paas, an Jan si im an shout out, “Unu luk! Si Gad Biebi Shiip de!”