Revilieshan 7:1 - Di Jamiekan Nyuu Testiment

¹ Afta dat mi si fuo ienjel tan op a di fuo kaana a di ort. Dem did a tap di fuo briiz dem we bluo pan di ort fram bluo pan di lan ar pan di sii ar pan di chrii dem.

Revilieshan 7:1 ပူးပေါင်းရင်းမြစ်များ

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Maak 13:27

Den im wi sen im ienjel dem fi gyada op di piipl we im pik fram naat, sout, iis an wes, fram evri kribis an kaana a di ort.

Revilieshan 20:8

an im a-go kom out an go fuul op di konchri dem aal uova di worl — dem kaal dem konchri ya Gag an Miegag. Im a go fi gyada dem op fi waar. Di wie dem so nof, dem komiin laik san a sii-said.

Revilieshan 6:6

Den mi ier sopm laik wan vais mongks di fuo sitn dem a se, “Wan poun a biekin flowa a-go kaas wan uol die pie, an siks poun a kounta flowa a-go kaas wan uol die pie, bot no faas wid di ail an di wain!”

Revilieshan 7:3

“No chobl di lan ar di sii ar di chrii dem til wi put wan maak iina di piipl dem farid we bilang tu fi wi Gad.”

Revilieshan 8:7

Di fos ienjel bluo im chompit, an iel an faiya miks op wid blod get fling dong fram di skai pan di ort an wan outa di chrii paat a di ort get bon op. Wan outa evri chrii a di chrii dem we did a gruo an aal a di griin graas get bon op tu.

Revilieshan 9:14

Di vais se tu da ienjel de, “Luus di fuo ienjel dem we tai op a di big big riva Yuufrietiiz.”

Revilieshan 9:4

Gad gi dem powa fi bait piipl an aada dem se dem onggl fi mek di wan dem we no av fi im maak iina dem farid sofa. Bot dem no fi chobl di graas, ar di griin plaant, ar non a di chrii dem pan di ort.