Revilieshan 6:9 - Di Jamiekan Nyuu Testiment

⁹ Wen im brok di fif chring, mi si anda di alta di suol a di piipl dem we did get kil kaaz dem biliiv Gad wod an kaaz dem tel piipl bout Gad.

Revilieshan 6:9 ပူးပေါင်းရင်းမြစ်များ

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

2 Timoti 4:6

Kaaz jos laik wen dem puor out wain wen dem don bon sakrifais, a siem so mi laif an di wok we mi a du fi Gad suun don.

Iibruu 12:23

Unu kom wich paat di fos set a pikni we a fala Krais Jiizas gyada op. Fi dem niem don rait dong iina evn aredi. Unu kom tu Gad tu, we joj evribadi. An unu kom tu dem piipl de we du rait iina Gad yai. Gad don mek dem rait iina evri wie.

Revilieshan 1:2

An Jan rait dong evriting wa im did si an ier. Im rait dong aal a di mesij dem we Gad sen im, an evriting we Jiizas Krais shuo im.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 14:18

An wan neks ienjel we inchaaj a faiya kom fram di alta an kaal out loud loud tu di wan we av di shaap kotlis. Im se, “Tek yu shaap kotlis an gyada di bonch a griep fram di griep vain dem pan di ort, kaaz di griep dem raip nou.”

Revilieshan 16:7

Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 19:10

Wen mi ier dis, mi jrap pan mi nii a im fut fi worship im. Bot im se tu mi se, “No, yu kyaahn du dat! Mi sorv Gad jos laik yu an yu breda an sista dem we biliiv evriting we Jiizas tiich. So a Gad yu fi worship, kaaz di chuu sitn dem we nobadi neva nuo an we Jiizas shuo wi, a dat lou piipl fi pred Gad mesij!”

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 8:3

Den mi si wan neda ienjel wid wan guol pan iina im an we av wan anggl. Im kom tan op infronta di alta an sumadi gi im wan uol iip a swiit spais fi bon mek sakrifais. Im did fi put it wid Gad piipl dem prieya an bon it pan di guol alta we de infronta di chuon.

Revilieshan 9:13

Wen ienjel nomba siks bluo fi im chompit, mi ier wan vais a kom fram di aan we de pan di guol alta we de infronta Gad.