Revilieshan 6:6 - Di Jamiekan Nyuu Testiment

⁶ Den mi ier sopm laik wan vais mongks di fuo sitn dem a se, “Wan poun a biekin flowa a-go kaas wan uol die pie, an siks poun a kounta flowa a-go kaas wan uol die pie, bot no faas wid di ail an di wain!”

Revilieshan 6:6 ပူးပေါင်းရင်းမြစ်များ

Revilieshan 9:4

Gad gi dem powa fi bait piipl an aada dem se dem onggl fi mek di wan dem we no av fi im maak iina dem farid sofa. Bot dem no fi chobl di graas, ar di griin plaant, ar non a di chrii dem pan di ort.

Revilieshan 4:6

Infronta di chuon mi si wan sii we luk laik glaas, we klier laik kristal. Iina di migl an roun di chuon, mi si fuo sopm. Dem av yai a front an yai a bak.

Revilieshan 7:3

“No chobl di lan ar di sii ar di chrii dem til wi put wan maak iina di piipl dem farid we bilang tu fi wi Gad.”

Matyu 24:7

Kaaz wan set a piipl a-go waar gens wan neks set a piipl, an kindom a-go fait gens kindom. Fuud a-go shaat iina nof nof plies an uol iip a piipl a-go staav, pan tap a dat ortkwiek a-go kom shiek op difrant difrant plies.

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”