Revilieshan 6:16 - Di Jamiekan Nyuu Testiment

¹⁶ Dem baal out an beg di mountn an di rak dem fi: “Jrap pan wi an aid wi fram di wan we sidong pan di chuon, an fram di Biebi Shiip so dat im kyaahn fain wi fi ponish wi.

Revilieshan 6:16 ပူးပေါင်းရင်းမြစ်များ

Luuk 23:30

Den “ ‘dem wi tel di mountn dem, “Jrap pan wi!” an dem wi tel di il dem, “Kova wi op!” ’

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Revilieshan 19:15

Wan shaap suod kom outa im mout we im a-go yuuz fi waar gens di piipl dem iina di worl an ponish dem. “Im a-go ruul dem wid wan aiyan paip.” An im a-go tep op, tep op pan dem an mash dem out laik wen piipl a mash out griep wid dem fut. Im a-go du dem da wie de fi mek dem si se Gad we av aal di powa, wel mad wid dem.

Revilieshan 10:6

An im mek da pramis ya pan di Laad — di Laad we liv fi eva an eva, di Laad we mek evn an evriting we op de, di Laad we mek di ort an evriting pan it, an di Laad we mek di sii an evriting wa iin de, im se, “Dis ya naa go wiet no langga!

Revilieshan 6:10

Di suol dem anda di alta kaal out wid wan loud vais, “Ou lang, powaful Laad, yu we uoli an we aalwiez du we Gad waahn yu fi du, ou lang yu a-go wiet fi joj an ponish di piipl dem pan ort we kil wi aaf?

Revilieshan 4:9

Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 4:5

Laitnin flash an mi ier som naiz an tonda klap an aal a dat did a kom fram di chuon. Mi si sevn taach a bliez infronta di chuon. Dem sevn taach de a Gad Uoli Spirit.

Maak 3:5

Jiizas luk roun pan dem an im did wel beks an it bon im fi si ou dem aad-iez. So im se tu di man se, “Chrech out yu an.” Di man chrech out im an, an im an get beta.

Revilieshan 5:1

Wen mi luk agen, di wan we sidong pan di chuon av wan ruol op buk iina im rait an tai op tait wid sevn chring. Di tu saida di buk av sitn rait pan dem.

Revilieshan 9:6

Fi di faiv mont di piipl gweehn du evriting fi kil demself. Bot no mata we dem du dem naa go ded.