Revilieshan 6:12 - Di Jamiekan Nyuu Testiment

¹² Den mi si wen di Biebi Shiip brok di siks chring an wan torbl ortkwiek apm. Di son tap shain an di uol plies ton blak blak laik wen nait wel daak, an di muun ton red laik blod,

Revilieshan 6:12 ပူးပေါင်းရင်းမြစ်များ

Matyu 24:29

“Bot iina dem taim de, likl afta di sofarieshan don, “Di son a-go daak op, di muun naa go shain an di staar dem a-go jrap outa di skai. Evriting we iina di skai a-go get shiek outa dem plies.

Revilieshan 16:18

Den laitnin flash, an wan piis a tonda klap, an wan torbl torbl ortkwiek shiek. Fram Gad put piipl pan ort, no ortkwiek so torbl neva apm yet — it did wel torbl.

Revilieshan 11:13

Siem taim wan torbl ortkwiek apm an ef yu plit op di siti iina ten paat, wan paat mash op. Di ortkwiek kil aaf sevn touzn piipl. An di res a piipl dem kech dem fried an staat gi priez tu di Gad we de a evn.

Revilieshan 8:5

Den di ienjel tek di guol pan we uol di swiit spais we dem bon, ful it op wid faiya fram di alta, an fling it pan di ort. An som torbl tonda ruol, an laitnin flash, an di ort shiek op.

Matyu 24:7

Kaaz wan set a piipl a-go waar gens wan neks set a piipl, an kindom a-go fait gens kindom. Fuud a-go shaat iina nof nof plies an uol iip a piipl a-go staav, pan tap a dat ortkwiek a-go kom shiek op difrant difrant plies.

Maak 15:33

Wen it riich migl die, di uol plies get daak til bout chrii aklak di iivnin.

Matyu 28:2

An aal av a sodn wan wikid wikid ortkwiek shiek op di plies kaa wan a Gad ienjel dem kom dong fram evn an kom ruol we di stuon an sidong pan it.

Matyu 27:54

Wen di ed fi onjrid suoja, an di suoja dem we did de wid im a gyaad Jiizas, si di ortkwiek an aal we did a apm, dem kech dem fried wikid wikid. Ier dem no, “Fi riil, da wan ya did a Gad Bwai Pikni fi chuu!”

Matyu 27:45

Nou fram migl die di uol plies get daak til chrii aklak.

Matyu 11:21

Im se, “Chobl fi yu, Korazin! Chobl fi yu Betsieda! Ef di piipl dem we liv iina Taiya an Saidan did si di mirikl dem we unu si mi du mongks unu, dem wuda sari fi dem rang an chienj dem wiez lang taim. Dem wuda put ashiz pan demself an wier krokos bag fi shuo se dem miin it.

Revilieshan 8:12

Wen di fuot ienjel bluo fi im chompit, sitn lik di son, an di muun an di staar dem. An ef yu plit dem op iina chrii paat, wan paat a dem ton daak. An ef yu plit op di die an di nait dem iina chrii paat, wan paat a dem neehn av no lait.

Revilieshan 16:8

Den ienjel nomba fuo pich out wa iina fi im boul pan di son, an Gad lou di iit fram di son fi skaach op di piipl dem laik faiya.