Revilieshan 6:1 - Di Jamiekan Nyuu Testiment

¹ Mi wach di Biebi Shiip brok di sevn chring dem wan wan. Wen im brok di fos chring, mi ier wan a di fuo sitn dem se iina wan vais we soun laik tonda, “Kum ya!”

Revilieshan 6:1 ပူးပေါင်းရင်းမြစ်များ

Revilieshan 5:1

Wen mi luk agen, di wan we sidong pan di chuon av wan ruol op buk iina im rait an tai op tait wid sevn chring. Di tu saida di buk av sitn rait pan dem.

Revilieshan 6:5

Wen di Biebi Shiip brok di tord chring, mi ier di tord sitn se, “Kum!” Wen mi luk mi si wan blak aas! Di wan we sidong pan it av wan skiel iina im an.

Revilieshan 19:6

Den mi ier sopm laik wan big big kroud a piipl a shout, dem vais soun loud laik di naiz fram wan big big waatafaal, an laik wen torbl tonda a ruol, dem shout out: “Aliluuya! Kaaz fi wi Laad, di powaful Gad, a im ron tingz.

Revilieshan 6:7

Wen di Biebi Shiip brok di fuot chring, mi ier di vais a di fuot sitn se, “Kum!”

Revilieshan 14:2

An mi ier wan vais fram evn we soun laik wen wan powaful riva kom dong, an laik wen loud tonda ruol. Di soun did komiin laik wa yu ier wen piipl a plie dem aap.

Revilieshan 11:19

Den Gad ous iina evn uopm op. An mi si iina Gad ous di likl wud baks we kip di tuu stuon buk dem we Gad did gi Muoziz an we av di ten Laa dem rait pan it. Siem taim laitnin did a flash, tonda staat ruol, wan ortkwiek lik an wan torbl staam kom, an aal ais staat jrap fram di skai.

Revilieshan 6:3

Wen di Biebi Shiip brok di sekan chring, mi ier di sekan sitn se, “Kum!”

Aks 4:20

Kaaz wi kyaahn tap taak bout di sitn dem we wi did si an ier.”

Jan 1:29

Di neks die, Jan si Jiizas a waak kom wich paat im de. Im si im an se, “Unu luk! Si Gad Biebi Shiip de! A im a di wan we a-go mash op an tek we sin fram outa di worl!

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Revilieshan 5:12

An di uol a dem sing da sang ya iina wan loud vais: “Di Biebi Shiip gud inof fi get nof ana an rispek, kaaz dem did kil im. Im gud inof fi get priez kaaz im wel powaful an im wel rich an wel waiz an im wel chrang. An im gud inof fi get ana an rispek fram evriting we im mek!”

Revilieshan 8:1

Wen di Biebi Shiip brok chring nomba sevn, yu kudn ier a soun iina evn fi bout aaf owa siek-a ou di plies kwaiyat.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.