Revilieshan 4:9 - Di Jamiekan Nyuu Testiment

⁹ Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 4:9 ပူးပေါင်းရင်းမြစ်များ

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Iibruu 7:8

Nou, di priis dem we kom fram Liivai, we get wan outa evri ten, di uol a dem ded, bot Melkezidek we get wan outa evri ten, Gad wod tiich se im no ded.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 10:6

An im mek da pramis ya pan di Laad — di Laad we liv fi eva an eva, di Laad we mek evn an evriting we op de, di Laad we mek di ort an evriting pan it, an di Laad we mek di sii an evriting wa iin de, im se, “Dis ya naa go wiet no langga!

Revilieshan 15:7

Den wan a di fuo wail animal dem gi di sevn ienjel dem sevn guol boul ful-a di wain we shuo se Gad wel beks — Gad we liv fi eva an eva.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”

Revilieshan 5:1

Wen mi luk agen, di wan we sidong pan di chuon av wan ruol op buk iina im rait an tai op tait wid sevn chring. Di tu saida di buk av sitn rait pan dem.

Revilieshan 6:16

Dem baal out an beg di mountn an di rak dem fi: “Jrap pan wi an aid wi fram di wan we sidong pan di chuon, an fram di Biebi Shiip so dat im kyaahn fain wi fi ponish wi.

Revilieshan 7:15

Siek-a dat “dem tan op infronta Gad chuon nou an a sorv im die an nait iina im ous. An di wan we sidong pan di chuon a-go liv wid dem an protek dem.