Revilieshan 4:4 - Di Jamiekan Nyuu Testiment

⁴ Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 4:4 ပူးပေါင်းရင်းမြစ်များ

Revilieshan 11:16

Den di twenti-fuo elda dem fling dong demself wid dem fies a grong an worship Gad.

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Revilieshan 4:10

di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 7:11

Aal a di ienjel dem faam wan sorkl roun di chuon, di elda dem, an di fuo sitn dem. Dem fling dong demself infronta di chuon, put dem fies a grong an worship Gad

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 5:14

Di fuo sitn dem se, “Iemen,” an di elda dem fling dong demself a im fut an gi im ana an priez.

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Revilieshan 19:4

Di twenti-fuo elda dem an di fuo sitn dem (we luk laik animal) fling demself a grong an worship Gad, we did sidong pan im chuon, an dem baal out: “Iemen, Aliluuya!”

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.

Revilieshan 19:14

Di aami dem we iina evn did a fala baka im. Dem did a raid pan wait aas tu an dem did jres op iina dier linin kluoz we wait an kliin.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.

Revilieshan 9:7

Di graasapa dem luk laik aas we redi fi go a waar. Dem av aan sitn we luk laik guol kroun pan dem ed an dem fies luk laik man fies.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.

Revilieshan 4:6

Infronta di chuon mi si wan sii we luk laik glaas, we klier laik kristal. Iina di migl an roun di chuon, mi si fuo sopm. Dem av yai a front an yai a bak.

Revilieshan 5:6

Den mi luk an si wan Biebi Shiip we luk laik dem did kil im bot im kom bak alaiv. Mi si im tan op nier di chuon, an di fuo laiv sitn dem an di elda dem tan op roun im. Im av sevn aan an sevn yai we a Gad Uoli Spirit we im sen aal bout di ort.

Revilieshan 5:11

Den mi luk an ier di vais a wan uol iip a ienjel. An ef yu fi ad dem op bout touzn an touzn an touzn — yu kyaahn kount dem. Dem gyada roun di chuon an roun di sitn dem an di elda dem.

Revilieshan 14:3

An dem sing wan nyuu sang infronta di chuon an infronta di fuo laiv wail animal an di elda dem. Nobadi kudn lorn di sang, onggl di 144,000 we Gad did siev.