Revilieshan 4:10 - Di Jamiekan Nyuu Testiment

¹⁰ di twenti-fuo elda dem fling dong demself a di fut a di wan we sidong pan di chuon, an gi priez tu di wan we liv fi eva an eva. Dem pudong dem kroun infronta di chuon an se:

Revilieshan 4:10 ပူးပေါင်းရင်းမြစ်များ

Matyu 2:11

Dem kom iina di ous an si di pikni wid im mada, Mieri, an dem go dong pan dem nii an priez im. Dem tek out di prezent we dem did bring, an gi di pikni — guol, frangkinsens an mor.

Luuk 24:52

Afta di falara dem worship Jiizas dem go baka Jeruusilem api so til.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

Revilieshan 10:6

An im mek da pramis ya pan di Laad — di Laad we liv fi eva an eva, di Laad we mek evn an evriting we op de, di Laad we mek di ort an evriting pan it, an di Laad we mek di sii an evriting wa iin de, im se, “Dis ya naa go wiet no langga!

Revilieshan 11:16

Den di twenti-fuo elda dem fling dong demself wid dem fies a grong an worship Gad.

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 15:7

Den wan a di fuo wail animal dem gi di sevn ienjel dem sevn guol boul ful-a di wain we shuo se Gad wel beks — Gad we liv fi eva an eva.

Revilieshan 19:4

Di twenti-fuo elda dem an di fuo sitn dem (we luk laik animal) fling demself a grong an worship Gad, we did sidong pan im chuon, an dem baal out: “Iemen, Aliluuya!”

Revilieshan 4:2

Siem taim di Uoli Spirit tek kanchuol a mi, an mi si wan chuon iina evn wid sumadi sidong pan it.

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 4:9

Enitaim di sopm dem gi priez, ana an tangks tu di wan we sidong pan di chuon an we liv fi eva an eva,

Revilieshan 5:14

Di fuo sitn dem se, “Iemen,” an di elda dem fling dong demself a im fut an gi im ana an priez.

Revilieshan 5:8

Afta im tek it, di fuo laiv sitn dem an di twenti-fuo elda dem fling dong demself infronta di Biebi Shiip. Evri wan a dem did av wan aap an wan guol boul ful-a som spais we dem bon we sumel swiit. Da spais de a riili di prieya a Gad piipl dem.

Revilieshan 7:11

Aal a di ienjel dem faam wan sorkl roun di chuon, di elda dem, an di fuo sitn dem. Dem fling dong demself infronta di chuon, put dem fies a grong an worship Gad