Revilieshan 3:4 - Di Jamiekan Nyuu Testiment

⁴ Bot unu av som piipl mongks unu iina Saadis we kip dem kluoz kliin — dem naa liv iina sin. An dem piipl de a-go jres op iina wait kluoz an waak wid mi kaaz dem liv ou Gad waahn dem fi liv.

Revilieshan 3:4 ပူးပေါင်းရင်းမြစ်များ

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.

Revilieshan 3:5

Enibadi we no gi iin tu di sitn dem we di devl waahn dem fi du, dem a-go get jres op iina wait kluoz tu. Mi naa go kraas out dem niem outa di buk we Gad rait dong di niem a di piipl dem we a-go get fi liv fi eva, bot wen mi tan op infronta mi Faada an im ienjel dem, mi wi se dat dem a fi mi falara.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.

Revilieshan 19:14

Di aami dem we iina evn did a fala baka im. Dem did a raid pan wait aas tu an dem did jres op iina dier linin kluoz we wait an kliin.

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.

Revilieshan 19:8

Gad gi ar kluoz fi wier, we mek outa priti linin we brait an kliin.” (Di priti kliin linin a di rait sitn dem we Gad piipl dem du.)

Juud 1:23

Di wan dem we iina di faiya, grab dem out an siev dem; an yu av som ada piipl we unu fi tek piti pan, bot wach unuself wid dem, an av rispek fi Gad siem wie, an iet dong tu di kluoz we dem sin mes op.

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

Maak 16:5

Wen dem go iina di tuum, dem shak fi si wan yong man we av aan wan wait jakit sidong pan di rait-an-said.

Luuk 20:35

bot di piipl dem we fit fi liv iina di taim wen ded piipl kom bak alaiv, dem naa go get marid.

Matyu 10:11

“An wen unu go iina wan toun ar dischrik, fain out uu gud inof fu'unu tan wid, an tan wid dem til unu lef da toun de.

Revilieshan 11:13

Siem taim wan torbl ortkwiek apm an ef yu plit op di siti iina ten paat, wan paat mash op. Di ortkwiek kil aaf sevn touzn piipl. An di res a piipl dem kech dem fried an staat gi priez tu di Gad we de a evn.

2 Tesaluoniyan 1:5

Aal a dem sitn ya shuo plien plien se Gad joj piipl ou dem fi get joj, kaaz im a get unu redi fi im kindom we unu a sofa fa.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.