Revilieshan 3:3 - Di Jamiekan Nyuu Testiment

³ So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.

Revilieshan 3:3 ပူးပေါင်းရင်းမြစ်များ

Matyu 25:13

“So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Maak 13:33

So wach out! An kip gyaad kaaz unu no nuo wen di taim a kom.

Maak 13:36

kaaz im mait kom bak wen unu naa luk fi'im kom an im kom fain unu a sliip.

1 Tesaluoniyan 5:2

Kaaz unu don nuo se di die wen di Laad a kom bak a-go kom iin sodn, jos laik wan tiif iina di nait.

1 Timoti 6:20

So Timoti, gyaad di sitn dem we Gad gi yu fi tek kier a. Mek shuor yu kip dem sief. Stie faar fram taak we no av notn fi du wid Gad. No lisn tu di fuulinish wa som piipl taak chuu dem tingk dem waiz. Dem waahn fi kaal we dem a se nalij bot a no nalij dat.

2 Timoti 1:13

Yu si di sitn dem we mi tiich, tek kier an fala dem, no tiich notn difrant. Yu fi du dis wid di sitn dem we wi biliiv an we Jiizas Krais gi wi an wid di lov we im gi wi tu.

Iibruu 2:1

Siek-a dat, wi afi lisn di Gud Nyuuz we wi did ier nou muo dan wi yuus tu, so wi no chrie.

2 Piita 1:13

Yu nuo se az lang az mi liv iina da badi ya mi no tingk mi a-go eva tap push unu fi memba dem sitn ya. A dat mi fi du.

2 Piita 3:1

Fren, dis a mi sekan leta tu unu nou. Mi rait di tuu leta dem fi memba unu bout dem sitn ya, so unu kyan tingk bout wa gud an kliin.

2 Piita 3:10

Bot jojment die a-go kom wen wi naa ekspek it — jos laik ou tiif kom. Pan da die de, evn a-go disapier — braps — wid wan loud loud naiz. An evriting we mek op di yuunivors, di son, di muun, di staar an aal a dem sitn de a-go bon op, an di ort an evriting we piipl du pan it a-go bon op tu.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 2:25

Mi onggl waahn unu fi eng aan pan wa unu av til mi kom.

Revilieshan 2:5

So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

Revilieshan 3:2

So wiek op, an staat liv agen laik ou unu nuo Gad piipl fi liv, bifuo evriting mash op, kaaz mi fain se di wie unu a liv no mach op wid di wie fi mi Gad waahn unu fi liv.