Revilieshan 3:20 - Di Jamiekan Nyuu Testiment

²⁰ Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.

Revilieshan 3:20 ပူးပေါင်းရင်းမြစ်များ

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Matyu 24:33

A siem so, enitaim unu si aal a dem sitn ya, nuo se di wan we Gad sen fi siev piipl suun kom; a laik im de rait outsaida unu duor.

Luuk 17:8

Unu naa go kwika fi se, ‘Gwaan go luk bout mi sopa, an fiks op yuself an kom sorv mi mi fuud. Wen mi don nyam an jringk, yu kyan go nyam an jringk tu.’

Jan 10:3

Di wan we wach uova di shiip giet uopm di giet fi di shepad, an di shiip dem ier di shepad vais. Di shepad kaal fi'im uona shiip dem bai dem niem an im liid dem out.

Jiemz 5:9

Mi breda an sista, no bada grombl grombl bout wan aneda, ar Gad wi joj unu. An luk, di joj tan op rait a di duor.