Revilieshan 3:19 - Di Jamiekan Nyuu Testiment

¹⁹ Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.

Revilieshan 3:19 ပူးပေါင်းရင်းမြစ်များ

1 Korintiyan 11:32

Bot wen Gad ponish wi a tiich im a chrai fi tiich wi. Im waahn wi lorn wa rait so dat wen im kom bak fi joj di worl, wi naa go ded laik di piipl we no biliiv iina im.

Revilieshan 2:5

So memba ou faar unu jrap bak fram di lov unu yuuz tu av fi wan aneda. Ton we fram unu sin an staat du di rait sitn dem we unu yuus tu du wen unu did jos get siev. Ef unu no du dat, mi a-go kom tek we unu guol sitn we unu yuuz fi uol kyanggl fram we it de.

2 Korintiyan 7:11

So unu si umoch gud it du unu wen Gad mek unu sari. It mek unu staat tek tingz siiros an wel waahn fi shuo se unu a du di rait ting. It beks unu. It mek unu fried. It mek unu wel waahn fi si mi. It mek unu staat tek kier wid wa unu du an chrai aad fi mek shuor se unu a du di rait ting.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Ruoman 12:11

Unu fi wok aad an no liezi! Unu mos eva waahn fi sorv di Laad wid aal a unu aat.

2 Korintiyan 6:9

Som piipl no nuo wi bot som piipl nuo wi. Som piipl tingk wi a ded bot luk wi stil a liv. Dem ponish wi an mek wi sofa bot wi no ded.

Jan 2:17

Sed taim dis ya apm, im falara dem memba ou Gad wod se, “Di wie mi lov yu ous, it de go kaaz mi fi ded.”

Gyalieshan 4:18

It gud fi fala sitn wid aal a yu aat yu nuo, bot onggl ef wa yu a fala a sopm gud an yu a du it fi di rait riizn. A dat unu fi du aal di taim, no jos wen mi de de wid unu.

Matyu 25:7

“Di yong gyal dem get op an staat fiks op dem lamp so it kuda bon gud.