Revilieshan 3:17 - Di Jamiekan Nyuu Testiment

¹⁷ Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?

Revilieshan 3:17 ပူးပေါင်းရင်းမြစ်များ

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 9:12

Wen Jiizas ier wa dem se, im se, “Piipl we no sik no niid no dakta, a onggl sik piipl niid dakta.

Luuk 1:53

Im gi onggri piipl uol iip a gud sitn, bot rich piipl im sen we wid dem tuu lang an.

Luuk 6:24

“Bot aal a unu we rich — chobl fi unu, kaaz unu get unu iizi laif aredi.

Ruoman 11:20

Nou dat a di chuut. Dem did get brok aaf kaaz dem neva biliiv bot kaaz unu biliiv unu a go tan wich paat unu de. Bot no mek dat get tu unu ed, insted-a dat unu beta wach unuself!

Ruoman 11:25

Breda an sista mi waahn unu fi andastan da siikrit ya we piipl neva nuo bout bifuo. Mi waahn unu fi andastan it so dat unu no get ful-a unuself an tingk se unu waiz: Di Izrel piipl dem mek op dem main se dem naa biliiv iina Jiizas, bot dat naa go gwaan fi eva. It a-go tap wen aal a di piipl dem we a no Juu an we Gad did pik kom fi biliiv iina im.

Ruoman 12:3

Kaaz a di gif we Gad gi mi, mi a tel unu: No bada tingk se unu muor dan wa unu riili bi. Insted-a dat unu fi ombl unuself an joj unuself bies pan di fiet we Gad gi unu.

Ruoman 7:24

Mi sari iihn, mi a wan sari kies fi chuu! Uu a-go siev mi fram da badi ya we a kil mi?

2 Piita 1:9

Bot ef sumadi no av dem, dat de sumadi kyaahn si forda dan dem nuoz an dem blain tu, an dem figet se Gad did paadn dem fram di sin dem we dem did du iina di paas.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Revilieshan 3:16

Bot unu si laik ou unu jos waam — an unu no kuol an unu no at — mi out fi pit unu outa mi mout rait ya nou.