Revilieshan 3:10 - Di Jamiekan Nyuu Testiment

¹⁰ Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.

Revilieshan 3:10 ပူးပေါင်းရင်းမြစ်များ

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Matyu 26:41

No sliip. Kip wach an prie so unu no fies notn we wi kaaz unu fi sin. Kaaz iina unu aat unu waahn du wa rait, bot unu a jos piipl an dat mek unu wiik.”

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Maak 14:9

Mi a tel unu dis, an mi naa lai, enitaim piipl priich di Gud Nyuuz roun di worl, dem a-go memba ar an taak bout wa shi du.”

Luuk 2:1

Iina dem die de, di Ruoman ruula, Siiza Agostos, gi aada fi rait dong di niem a evribadi iina im kindom.

Jan 17:6

“Di piipl dem fram outa di worl we yu gi mi, mi shuo dem a uu yu bi. Dem did a fi yu bot yu gi mi dem, an dem fala we yu tel dem fi du.

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

Ifiijan 6:13

So unu fi put aan aal a unu aami kluoz dem we Gad gi unu fi protek unuself. Da wie de, enitaim di devl kom chrai fi wok im chrik pan unu, unu wi kyan tan op chrang gens im. Unu wi fait im til im no av no fait lef iina im. An wen unu don fait im, unu wi stil tan op chrang.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

Jiemz 3:12

Breda an sista, fig chrii kyan bier aliv fruut? Griep vain kyan bier fig? Saalt spring kyaahn sen out fresh waata mi breda an sista!

1 Piita 4:12

Aal a unu we mi lov, no bada fraitn an gwaan laik se a sitn chrienj a apm tu unu siek-a di faiya we a riich unu iina dem ya chraiyal ya.

2 Piita 2:9

So ef a so it go den, dat miin se di Laad nuo ou fi siev piipl we gud iina im yai fram di chraiyal an kraasiz dem we dem fies. An a siem so im nuo fi kip di wikid piipl dem we no bizniz wid im til jojment die kom an gwaan ponish dem.

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 11:10

Di piipl dem pan di ort a-go wel api se dem tuu prafit de ded. Dem a-go paati an sen prezent go gi wan aneda kaaz dem tuu prafit de yuus tu mek di piipl dem sofa wikid wikid.

Revilieshan 13:10

Ef nobadi fi get lak op iina prizn, a dat a-go apm tu dem. Ef nobadi fi get kil wid di suod, dem a-go get kil wid di suod. Dat miin se Gad piipl dem mos tan op chrang an no mek notn tap dem fram chos iina Gad no mata wa apm.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 14:12

So Gad piipl we du we im se afi tan op chrang an gwaan chos Jiizas.”

Revilieshan 14:6

Afta dat, mi si wan neda ienjel a flai iina di skai. Im did av wan mesij fram Gad we a-go laas fi eva fi go tel di piipl dem we liv pan di ort. Di mesij a did fi evri konchri, chraib, piipl, an evri langwij.

Revilieshan 16:14

Di spirit dem a diiman spirit we du som powaful sitn. Dem go out aal uova di worl go gyada op di king dem fi waar — di waar we a-go apm pan di big die wen Gad, we muo powaful dan evribadi, a-go joj piipl.

Revilieshan 17:2

we di king dem pan di ort du aal kain-a naasi seks sin wid, an di piipl dem we liv iina di worl get jongk fram di wain we shi gi dem an du aal kain-a seks sin laik ar.”

Revilieshan 17:8

Di wail animal we yu did si, did alaiv wan taim bot im ded nou. Im a-go kom op outa di diip diip singk uol we na'av no batam, an Gad a-go don im. Aal a di piipl dem pan ort uufa niem no rait dong iina di buk bifuo di worl mek, dem a-go shak wen dem si di wail animal, kaaz im did de ya bifuo, bot im did ded, an im a-go kom bak alaiv. Da buk de av iin di niem a di piipl dem we riili a liv.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 3:8

Mi nuo evriting bout unu. (Luk ya, mi uopm wan duor infronta unu we nobadi kyaahn shot). Mi nuo se unu no chrang, bot unu stil eng aan pan mi wod an unu neva ton unu bak pan mi an se unu no biliiv mi.

Revilieshan 6:10

Di suol dem anda di alta kaal out wid wan loud vais, “Ou lang, powaful Laad, yu we uoli an we aalwiez du we Gad waahn yu fi du, ou lang yu a-go wiet fi joj an ponish di piipl dem pan ort we kil wi aaf?

Revilieshan 8:13

Wail mi did a wach, mi ier wan iigl we did a flai ai iina di skai a kaal out iina wan loud vais se: “Chobl fu'unu! Chobl fu'unu! Chobl fi evribadi we liv pan di ort, siek-a wa gweehn apm wen di neks chrii ienjel dem bluo fi dem chompit, an dem a get redi fi bluo dem!”