Revilieshan 22:7 - Di Jamiekan Nyuu Testiment

⁷ Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 22:7 ပူးပေါင်းရင်းမြစ်များ

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 1:3

Enibadi we riid di sitn dem we iina da buk ya out loud a-go api, an di wan dem we ier it an du wa it se, dem a-go api tu. Kaaz di taim suun kom wen aal a dem sitn de we Jiizas tel wi bout a-go apm.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

Revilieshan 2:16

Dem fi ton we fram dem sin, shuo se dem sari fi di rang we dem du an beg Gad paadn! Ef unu no du dat, mi a-go kom tu unu suun an waar gens dem wid di suod we kom outa mi mout.

Revilieshan 22:12

“Lisn, aal a unu, mi suun kom! An wen mi kom mi a-go ponish di piipl dem we du rang, an mi a-go gi di piipl dem we a liv rait wa mi did se mi wuda gi dem. Evribadi a-go get wa dem fi get bies pan wa dem du.

Revilieshan 22:18

Mi a waan enibadi we ier di sitn dem we rait dong iina da buk ya bout wa a-go apm. Mi a waan unu, ef nobadi ad notn, Gad a-go mek dem go chuu di sevn torbl sitn dem we rait dong iina da buk ya.

Revilieshan 22:19

An ef enibadi tek we eni paat a di mesij we iina da buk ya bout we Gad se a-go apm, Gad a-go tek we fi dem rait fi iit non a di fruut fram di chrii we gi laif an im rait fi liv iina di uoli siti, we rait dong iina da buk ya.

Revilieshan 22:20

Jiizas, di wan we tel wi dem sitn ya, im se, “Ye, mi suun kom.” Iemen! Kom Laad Jiizas!

Revilieshan 22:21

Mi prie se di Laad Jiizas wi shuo aal a im piipl lov iivn duo wi no dizorv it. Iemen!

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.