Revilieshan 22:6 - Di Jamiekan Nyuu Testiment

⁶ Di ienjel tel mi se, “Aal a dem sitn ya we mi a tel yu chuu an evribadi kyan biliiv dem. Di Laad, di Gad we gi'im Spirit tu im prafit dem fi priich im wod, sen im ienjel kom shuo im sorvant di sitn dem we suun apm.”

Revilieshan 22:6 ပူးပေါင်းရင်းမြစ်များ

Matyu 13:41

Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

Luuk 1:70

Jos laik ou im did taak chuu im uoli prafit dem wie bak wen an se:

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Aks 12:11

A da taim de Piita kom tu imself an se, “Nou mi nuo fi riil se di Laad sen im ienjel an frii mi fram Erad an di sitn dem we di Juu dem did tingk Erad did a-go du tu mi.”

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Ruoman 1:2

Lang bifuo Jiizas baan, Gad did pramis fi sen da Gud Nyuuz de tu wi. Im mek im prafit dem rait it dong iina Gad wod se im a-go sen it.

1 Korintiyan 14:32

Di wan dem we kyari mesij chriet fram Gad kyan kanchuol di gif we di Uoli Spirit gi dem.

1 Korintiyan 7:29

Wa mi a chrai fi se breda an sista, a dat taim shaat — Krais Jiizas suun kom bak. So fram nou aan, aal a unu we av waif fi sorv Gad so til it komiin laik se unu no av no waif.

2 Tesaluoniyan 1:7

An unu we a sofa, im a-go mek di sofarieshan tap wen di Laad Jiizas kom fram evn an shuo imself. Da taim de aal a wi a-go get fi res, wi naa go sofa no muo. Jiizas a-go kom fram evn wid im powaful ienjel dem,

Iibruu 12:9

Pan tap a dat, di uol a wi faada we de pan ort, dem rof wi op wen wi du rang, an wi rispek dem fi dat. Den a umoch muo so wi fi gi iin tu di faada we de a evn so wi kyan riili liv.

2 Piita 1:21

Kaaz no mesij fram Gad neva kom bout bies pan we no man ar uman waahn, bot a di Uoli Spirit did tek kanchuol a piipl an mek dem gi mesij we kom fram Gad.

2 Piita 3:2

Mi waahn unu fi memba we Gad prafit dem did se iina di paas. An mi waahn unu memba di sitn dem we Gad se wi fi du tu, we Jiizas Krais gi im apasl dem we de iina fi unu ieriya fi gi unu.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 19:9

Den di ienjel se tu mi se, “Rait dis dong: ‘Di wan dem we get invait fi kom a di Biebi Shiip wedn sopa, a dem api.’ ” Den di ienjel se tu mi se, “Wa mi a tel yu, a Gad wod we chuu.”

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 21:9

Di sevn ienjel dem we did av di sevn boul ful-a di sevn laas sitn dem fi mek piipl sofa wikid wikid, wan a dem se tu mi se, “Kum, mek mi shuo yu di braid, di Biebi Shiip waif.”

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”

Revilieshan 4:1

Afta aal a dem sitn de apm, mi luk an si wan duor uopm iina evn. An di vais we did soun laik wan chompit we mi did ier a taak tu mi di fos taim, se tu mi se, “Kum op ya-so. Kum mek mi shuo yu we gweehn apm likl fram dis.”