Revilieshan 22:4 - Di Jamiekan Nyuu Testiment

⁴ Dem a-go si Gad fies tu fies, an im niem a-go rait pan dem farid.

Revilieshan 22:4 ပူးပေါင်းရင်းမြစ်များ

Matyu 5:8

Aal a uu onggl waahn fi du di sitn dem we mek Gad api, Gad bles unu, kaaz wan die, wan die, unu a-go get fi si Gad.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

Revilieshan 14:1

Den mi luk, an mi si di Biebi Shiip tan op pan mount Zaiyan, an im 144,000 sorvant dem we av im niem an im Faada niem rait dong pan dem farid did de de wid im.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Revilieshan 7:3

“No chobl di lan ar di sii ar di chrii dem til wi put wan maak iina di piipl dem farid we bilang tu fi wi Gad.”