Revilieshan 22:3 - Di Jamiekan Nyuu Testiment

³ Notn ar nobadi we Gad no tek iin kyaahn go iina di siti. Gad an di Biebi Shiip chuon a-go iina di siti an Gad piipl a-go worship im.

Revilieshan 22:3 ပူးပေါင်းရင်းမြစ်များ

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 13:32

Ef di Man we Gad Pik shuo piipl ou Gad big an powaful, den suun suun Gad imself gweehn shuo dem ou di Man we im Pik big an powaful.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Revilieshan 7:10

An dem baal out iina wan loud loud vais an se: “A fi wi Gad we sidong pan im chuon an di Biebi Shiip siev wi.”

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.